اسلام آباد: وزیراعظم ہاؤس میں منعقدہ تقریب میں پاکستان اور مالدیپ کے درمیان مختلف شعبوں میں 20 مفاہمتی یادداشتوں پر دستخط ہوگئے۔
دونوں ممالک کے درمیان طبی ملازمین کی بھرتی، دفاعی شعبے، فنون لطیفہ ثقافت اور ورثے، سماجی تحفظ کے شعبے، آئی ٹی اورسائبرسکیورٹی،ڈرگ ریگولیٹری اتھارٹی اور فوڈ اتھارٹیز سے متعلق تعاون کی مفاہمتی یادداشتوں پر دستخط ہوئے۔
اس موقع پر دورہ پاکستان پر آئے ہوئے مالدیپ کے صدر محمد معیزو کے ساتھ مشترکہ نیوز کانفرنس میں وزیر اعظم شہبازشریف کا کہنا تھا کہ پاکستان مالدیپ کے ساتھ اپنے تعلقات کو انتہائی اہمیت دیتا ہے، دونوں ممالک کے درمیان دیرینہ، برادرانہ اور دوستانہ تعلقات قائم ہیں، مالدیپ کے ساتھ باہمی دلچسپی کے تمام شعبوں میں تعاون کو مزید فروغ دیں گے ۔
اسلامک یونیورسٹی کی طرف سے ڈاکٹریٹ کی اعزازی ڈگری پرصدرمحمد معیزو کو مبارکباد دیتے ہوئے وزیر اعظم شہبازشریف کا کہنا تھا کہ مالدیپ کے صدر سے خوشگوار ملاقات ہوئی۔ تجارتی حجم میں اضافے کیلئے کوششوں کوتیزکریں گے۔
شہباز شریف نے مزید کہا کہ پاکستان اور مالدیپ تجارتی و معاشی روابط کو نئی بلندیوں پر لے جانے کیلئے پرعزم ہیں،تعلیم، سیاحت اور موسمیاتی تبدیلی کے شعبوں میں تعاون کو وسعت دی جائے گی، پاکستان مالدیپ کے ساتھ باہمی مفاد پر مبنی اقتصادی شراکت داری کا خواہاں ہے۔ اسٹریٹجک اور معاشی رواداری پر مبنی مستحکم شراکت داری چاہتے ہیں۔مالدیپ کے صدر کا دورہ پاکستان تعلقات کو مزید مستحکم کرے گا۔
وزیراعظم نے علاقائی امن، ترقی اور عالمی فورمز پر مستقبل میں بھی باہمی تعاون جاری رکھنے کے عزم کا اعادہ کرتے ہوئے کہا کہ پاکستانی ڈاکٹرزاورمعاون طبی عملہ مالدیپ میں انسانیت کی خدمات کررہا ہے۔
مسئلہ فلسطین کا ذکر کرتے ہوئے شہبازشریف کا کہنا تھا کہ پاکستان مسئلہ فلسطین کا منصفانہ اور پائیدار حل چاہتا ہے،مظلوم عوام کی اخلاقی، سیاسی اور سفارتی حمایت جاری رکھیں گے، آزاد و خود مختار فلسطینی ریاست کا قیام ہی خطے میں مستقل امن کی ضمانت ہے، فلسطینیوں پر جاری مظالم کا خاتمہ اور عالمی برادری کا کردار وقت کی ضرورت ہے۔
نیوز کانفرنس میں وزیر اعظم نے مسئلہ کشمیر پر بات کرتے ہوئے کہا کہ پاکستان مسئلہ کشمیر کا منصفانہ اور پائیدار حل چاہتا ہے،مسئلہ کشمیر کا حل یواین قراردادوں کے مطابق ہونا ضروری ہے،مقبوضہ کشمیر میں انسانی حقوق کی سنگین خلاف ورزیاں عالمی برادری کیلئے لمحہ فکریہ ہیں، کشمیریوں کی خواہشات اور بین الاقوامی قوانین کے بغیر جنوبی ایشیا میں پائیدار امن ممکن نہیں۔
انہوں نے بھارت کی آبی دہشت گردی کا ایشو بھی اٹھایا اور کہا بھارت پانی کو بطور ہتھیار استعمال کر رہا ہے، پاکستان کاپانی روکنے کی کوئی بھی کوشش جنگی اقدام تصور ہوگی، آبی جارحیت اور پاکستان کا پانی روکنے کی کوششیں قبول نہیں۔
2سال میں تجارتی حجم 20 کروڑ ڈالرتک لے جانے کیلئے کاوشیں کریں گے،صدر مالدیپ
اس موقع پر صدر محمد معیزو کا کہنا تھا کہ مالدیپ پاکستان کے ساتھ اپنے برادرانہ تعلقات کو انتہائی قدر کی نگاہ سے دیکھتا ہے،پاکستان کا دورہ کرنے اور یہاں ملنے والی مہمان نوازی پر دلی خوشی ہوئی ہے۔
انہوں نے اس عزم کا اظہار کیا کہ 2 سال میں تجارتی حجم کو20 کروڑ ڈالرتک لے جانے کیلئے کاوشیں کریں گے۔دونوں ممالک تجارتی و اقتصادی شراکت داری کو نئی بلندیوں پر لے جائیں گے۔
صدر مالدیپ کا مزید کہنا تھا کہ پاکستان کے ساتھ تجارت، معیشت اور شعبہ سیاحت میں تعاون کو وسعت دینا چاہتے ہیں، دونوں ممالک کے عوام کے درمیان قریبی روابط اور اعتماد ہمارے تعلقات کا اصل سرمایہ ہیں۔
محمد معیزو نے علاقائی اور عالمی سطح پر پاکستان کے کردار کی تعریف کی اور کہا کہ دونوں ممالک ایک دوسرے کے تجربات اور صلاحیتوں سے استفادہ کریں گے۔
مالدیپ کے صدر کو ڈاکٹریٹ کی اعزازی ڈگری سے نوازا گیا
مالدیپ کے صدر محمد معیزو کو اسلام آباد کی اسلامک یونیورسٹی کی طرف سے ڈاکٹریٹ کی اعزازی ڈگری سے نوازا گیا۔
اس موقع پر صدرمحمد معیزو کا کہنا تھا کہ اسلامک یونیورسٹی کی طرف سے ڈاکٹریٹ کی اعزازی ڈگری پرقیادت کا شکریہ اداکرتا ہوں، یہ میرے لیے باعث فخر ہے ،اعزازی ڈگری دونوں ممالک کے درمیان مضبوط تعلیمی و ثقافتی رشتوں کا مظہر ہے، علمی اور تعلیمی تعاون کے فروغ سے پاکستان اور مالدیپ کے نوجوان مزید قریب آئیں گے۔
وزیر اعظم ہاؤس میں پرتپاک استقبال
قبل ازیں مالدیپ کے صدر ڈاکٹر محمد معیزو وزیر اعظم ہاؤس پہنچے جہاں ان کا پرتپاک استقبال کیا گیا اور انہیں گارڈ آف آرنر پیش کیا گیا۔
پاکستان کے دورے پر آئے ہوئے مالدیپ کے صدر ڈاکٹر محمد معیزو کے اعزاز میں باضابطہ استقبالیہ تقریب وزیراعظم ہاؤس میں منعقد ہوئی جہاں وزیراعظم محمد شہباز شریف نے معزز مہمان کا پرتپاک استقبال کیا۔ دونوں رہنمائوں کے درمیان مصافحہ اور خوشگوار جملوں کا تبادلہ بھی ہوا۔
مالدیپ کے صدر ڈاکٹر محمد معیزو کا وزیر اعظم ہائوس آمد پر پرتپاک استقبال کیا گیا اور انہیں گارڈ آف آرنر پیش کیا گیا۔
پاکستان کے دورے پر آئے ہوئے مالدیپ کے صدر ڈاکٹر محمد معیزو کے اعزاز میں باضابطہ استقبالیہ تقریب وزیراعظم ہائوس میں منعقد ہوئی۔وزیراعظم ہائوس آمد پر وزیراعظم محمد شہباز شریف نے معزز مہمان کا پرتپاک استقبال کیا ۔ دونوں رہنمائوں کے درمیان مصافحہ اور خوشگوار جملوں کا تبادلہ بھی ہوا۔اس موقع پر دونوں ملکوں کے قومی ترانے بجائے گئے۔تینوں مسلح افواج کے چاق و چوبند دستوں نے مالدیپ کے صدر کو سلامی دی اور گارڈ آف آنر پیش کیا۔سلامی کے چبوترے پر مالدیپ کے صدر کے ہمراہ وزیر اعظم شہباز شریف بھی موجود تھے۔مالدیپ کے صدر نے گارڈ آف آنر کا معائنہ بھی کیا۔
وزیراعظم شہباز شریف نے کابینہ کے ارکان اور وزیراعظم ہائوس کے اعلی حکام کا مالدیپ کے صدر کے ساتھ تعارف کرایا۔مالدیپ کے صدر نے اس موقع پر اپنے وفد کا وزیر اعظم سے تعارف کرایا۔مالدیپ کے صدر نے وزیراعظم ہائوس کے سبزہ زار میں پودا لگایا اور دونوں ملکوں کی ترقی اور خوشحالی کے لیے دعا کی گئی.
— Prime Minister’s Office (@PakPMO) October 21, 2026
اس موقع پر دونوں ملکوں کے قومی ترانے بجائے گئے۔تینوں مسلح افواج کے چاق و چوبند دستوں نے مالدیپ کے صدر کو سلامی دی اور گارڈ آف آنر پیش کیا۔سلامی کے چبوترے پر مالدیپ کے صدر کے ہمراہ وزیر اعظم شہباز شریف بھی موجود تھے۔مالدیپ کے صدر نے گارڈ آف آنر کا معائنہ بھی کیا۔
وزیراعظم شہباز شریف نے کابینہ کے ارکان اور وزیراعظم ہاؤس کے اعلی حکام کا مالدیپ کے صدر کے ساتھ تعارف کرایا۔مالدیپ کے صدر نے بھی اپنے وفد کا وزیر اعظم سے تعارف کرایا۔
مالدیپ کے صدر نے وزیراعظم ہاؤس کے سبزہ زار میں پودا لگایا اور دونوں ملکوں کی ترقی اور خوشحالی کے لیے دعا کی گئی ۔
دفتر خارجہ آمد
مالدیپ کے صدر ڈاکٹر محمد معیزو نے پاکستان کے ساتھ قریبی تعلقات مزید مستحکم کرنے اور باہمی مفاد میں تعاون کے نئے شعبے تلاش کرنے کے عزم کا اظہارکیا ہے۔
ترجمان دفتر خارجہ کے مطابق نائب وزیراعظم و وزیر خارجہ سینیٹر محمد اسحاق ڈار اور مالدیپ کے صدر کے درمیان دفتر خارجہ میں ملاقات ہوئی ،اس موقع پر انہوں نے مالدیپ کے صدر اور ان کے وفد کا پاکستان آمد پر خیرمقدم کیا۔
Deputy Prime Minister/Foreign Minister Senator Mohammad Ishaq Dar @MIshaqDar50 called on the President of Maldives, H.E. Dr. Mohamed Muizzu, in Islamabad today.
The DPM/FM conveyed warm greetings and best wishes from President Asif Ali Zardari and Prime Minister Muhammad Shehbaz Sharif to President Dr. Mohamed Muizzu. He warmly welcomed the President and his delegation to Pakistan.
Reaffirming Pakistan’s commitment to its longstanding fraternal relations with Maldives, the DPM/FM underscored the importance of expanding bilateral cooperation, particularly in trade, investment, education, climate change and tourism.
The DPM/FM welcomed the participation of the Maldivian business delegation in the Maldives-Pakistan Business Forum and expressed hope that B2B engagements would yield concrete trade and investment opportunities.
President Dr. Mohamed Muizzu appreciated the warm welcome and hospitality extended to him and his delegation. He expressed Maldives’ desire to deepen its close relations with Pakistan and explore new avenues of mutually beneficial cooperation.
— Ministry of Foreign Affairs – Pakistan (@ForeignOfficePk) October 21, 2026
نائب وزیراعظم نے صدر آصف علی زرداری اور وزیراعظم شہباز شریف کی جانب سے مالدیپ کے صدر کو نیک تمناؤں کا پیغام پہنچایا۔
انہوں نے پاکستان اور مالدیپ کے دیرینہ برادرانہ تعلقات کو مزید مضبوط بنانے کے عزم کا اعادہ کرتے ہوئے دونوں ممالک کے درمیان تجارت، سرمایہ کاری، تعلیم، موسمیاتی تبدیلی اور سیاحت کے شعبوں میں تعاون بڑھانے پر زور دیا۔
نائب وزیراعظم نے پاک مالدیپ بزنس فورم میں مالدیپ کے کاروباری وفد کی شرکت کا خیرمقدم کرتے ہوئے فورم کے ذریعے تجارت اور سرمایہ کاری کے نئے مواقع پیدا ہونے کی امید کا اظہار کیا۔
اس موقع پر مالدیپ کے صدر ڈاکٹر محمد معیزو نے پاکستان میں پرتپاک استقبال اور مہمان نوازی پر اظہار تشکرکیا۔
