چیف آف ڈیفنس فورسز اور چیف آف آرمی اسٹاف فیلڈ مارشل عاصم منیر سے سعودی عرب کے نئے سفیر ڈاکٹر راجح تامی البقمی نے جنرل ہیڈ کوارٹرز (جی ایچ کیو) راولپنڈی میں ملاقات کی، جس میں پاکستان اور سعودی عرب کے درمیان دفاعی تعاون، علاقائی سیکیورٹی صورتحال اور باہمی دلچسپی کے امور پر تبادلہ خیال کیا گیا۔
پاک فوج کے شعبہ تعلقات عامہ (آئی ایس پی آر) کے مطابق ملاقات میں پاکستان اور سعودی عرب کے دیرینہ برادرانہ تعلقات کو مزید مضبوط بنانے کے عزم کا اظہار کیا گیا۔
دونوں ممالک کے درمیان دفاعی تعاون، ادارہ جاتی روابط اور اسٹریٹجک ہم آہنگی کو فروغ دینے کی اہمیت پر زور دیا گیا۔
سب سے زیادہ پڑھی جانے والی
آئی ایس پی آر کے مطابق ملاقات کے دوران مکہ مشترکہ دفاعی معاہدے کے تحت ہونے والی پیش رفت پر اطمینان کا اظہار بھی کیا گیا۔
اس موقع پر دونوں ممالک کے درمیان دفاعی شعبے میں تعاون کو مزید وسعت دینے اور مشترکہ مفادات کے تحفظ کے لیے باہمی رابطوں کو مؤثر بنانے سے متعلق امور پر بھی بات چیت کی گئی۔
فیلڈ مارشل عاصم منیر نے سعودی عرب کے نئے سفیر ڈاکٹر راجح تامی البقمی کو سفارتی ذمہ داریاں سنبھالنے پر مبارک باد دی اور ان کے لیے نیک خواہشات کا اظہار کیا۔
ملاقات میں اس امید کا اظہار کیا گیا کہ سعودی سفیر کی تعیناتی سے پاکستان اورسعودی عرب کے درمیان دوطرفہ تعلقات اور مختلف شعبوں میں تعاون کو مزید فروغ ملے گا۔
The newly appointed Ambassador of the Kingdom of Saudi Arabia to Pakistan, Dr. Rajeh Tami Albugamy, called on the Chief of Army Staff and Chief of Defence Forces, Field Marshal Syed Asim Munir, in Rawalpindi today.
During the meeting, the two sides discussed matters of mutual interest and regional security dynamics
@OfficialDGISPR @KSAembassyPK @ForeignOfficePk
#RadioPakistan #News
https://t.co/kKbCFBHbf3— Radio Pakistan (@RadioPakistan) October 19, 2026
آئی ایس پی آر کے مطابق پاکستان اور سعودی عرب کے تعلقات مشترکہ ایمان، باہمی اعتماد اوراسٹریٹجک شراکت داری پر مبنی ہیں۔ دونوں ممالک کے درمیان دیرینہ برادرانہ تعلقات مختلف شعبوں میں تعاون کی مضبوط بنیاد فراہم کرتے ہیں۔
پاکستان اور سعودی عرب کے درمیان دفاعی تعلقات کو دونوں ممالک کی شراکت داری کا اہم حصہ سمجھا جاتا ہے، دفاعی تعاون، ادارہ جاتی روابط اور سیکیورٹی امور پر تبادلہ خیال دوطرفہ تعلقات کو مزید مستحکم بنانے کی کوششوں کا حصہ ہے۔
ملاقات میں علاقائی سیکیورٹی صورتحال پر گفتگو بھی دونوں ممالک کے درمیان مسلسل مشاورت اور رابطوں کی اہمیت کو اجاگر کرتی ہے۔
آئی ایس پی آر کے مطابق ملاقات خوشگوار ماحول میں ہوئی اور اس دوران پاکستان اور سعودی عرب کے درمیان تعاون کو مزید مضبوط بنانے پر زور دیا گیا۔
