سری لنکا ویمنز انڈر 19 نے پاکستان ویمنز انڈر 19 ٹی ٹوئنٹی ٹرائی سیریز کے فائنل میں بنگلہ دیش کو سنسنی خیز مقابلے کے بعد 4 رنز سے شکست دے کر ٹائٹل اپنے نام کرلیا۔
کرک انفوکے مطابق فیصل آباد میں کھیلے گئے فائنل میں سری لنکا نے پہلے بیٹنگ کرتے ہوئے مقررہ 20 اوورز میں 6 وکٹوں کے نقصان پر 158 رنز بنائے۔
جواب میں بنگلہ دیش کی ٹیم مقررہ اوورز میں 7 وکٹوں پر 154 رنز بنا سکی اور 4 رنز سے شکست کھا گئی۔
سب سے زیادہ پڑھی جانے والی
سری لنکا کی جانب سے سنجنا کاویندی نے شاندار بیٹنگ کا مظاہرہ کرتے ہوئے 44 گیندوں پر 64 رنز بنائے ان کی اننگز میں 7 چوکے اور 2 چھکے شامل تھے۔
Sri Lanka Women’s U19 lift the trophy after winning the T20 tri-series in Faisalabad 🏆
#T20TriSeries | #BANWvSLW https://t.co/u7PEbnwvAO
— Pakistan Cricket (@TheRealPCB) October 16, 2026
ویموکشا بالاسوریا نے 15 گیندوں پر 23 رنز بنائے جبکہ نیتھمی اوپیکشا نے 25 گیندوں پر 22 رنز کی اننگز کھیلی، اوما یانگانا پریس نے 23 گیندوں پر ناقابل شکست 28 رنز بنا کر ٹیم کا مجموعہ 158 تک پہنچانے میں اہم کردار ادا کیا۔
Sri Lanka Women’s U19 clinch the T20 Tri-Series final by four runs 🏏
#BANWvSLW | #T20TriSeries https://t.co/6Pxdfi6e2v
— Pakistan Cricket (@TheRealPCB) October 16, 2026
بنگلہ دیش کی جانب سے فرجانا ایسمین، نشیتا اختر نشی اور جنت الفردوس نے ایک، ایک وکٹ حاصل کی۔
159 رنز کے ہدف کے تعاقب میں بنگلہ دیش کی ابتدائی دو وکٹیں صرف 4 رنز پر گر گئیں، تاہم بعد میں سدیا اسلام اور نشیتا اختر نشی نے اننگز کو سنبھالا۔
نشیتا نے 33 گیندوں پر 32 رنز بنائے جبکہ کپتان سدیا اسلام نے 36 گیندوں پر 59 رنز کی جارحانہ اننگز کھیلی، جس میں 3 چوکے اور 5 چھکے شامل تھے۔
Sri Lanka are champions of the Women’s U19 T20 Tri-Series in Faisalabad 🏆
#BANWvSLW | #T20TriSeries https://t.co/F1i7S2X4k3
— Pakistan Cricket (@TheRealPCB) October 16, 2026
سدیا اختر نے بھی 22 گیندوں پر 35 رنز بنا کر ٹیم کو فتح کے قریب پہنچایا، لیکن بنگلہ دیش مقررہ اوورز میں ہدف حاصل نہ کرسکی۔
سری لنکا کی جانب سے چامودی ہیراتھ اور چامودی پرابودا نے 2، 2 وکٹیں حاصل کیں جبکہ دانوڈیا سیومنی نے ایک کھلاڑی کو آؤٹ کیا۔
سنجنا کاویندی کو فائنل میں 64 رنز کی شاندار اننگز کھیلنے پر پلیئر آف دی میچ قرار دیا گیا، وہ ٹرائی سیریز میں مجموعی طور پر 316 رنز بنا کر پلیئر آف دی سیریز کا اعزاز بھی حاصل کرنے میں کامیاب رہیں۔
Sri Lanka’s Sanjana Kavindi is named player of the final and player of the tournament of the Women’s U19 T20 tri-series in Faisalabad 💫
#BANWvSLW | #T20TriSeries https://t.co/GurJlEsajJ
— Pakistan Cricket (@TheRealPCB) October 16, 2026
