پاکستان نے پہلے ٹی ٹوئنٹی میں سری لنکا کو چار وکٹوں سے شکست دے دی۔
پاکستان کی جانب سے ہدف کے تعاقب اننگز کا آغاز صاحبزادہ فرحان اور فخر زمان نے کیا، پاکستان کی پہلی وکٹ فخر زمان کی گری، اس وقت پاکستان کا مجموعی اسکور 54 تھا، فخر زمان نے 21 رنز بنائے اور ایشان ملینگا کی گیند پر کیچ آؤٹ ہوئے۔
معاذ صداقت نے شاندار بیٹنگ کرتے ہوئے 28 گیندوں پر 3 چھکوں اور 4 چوکوں کی مدد سے نصف سنچری بنائی، انہیں تھیکشانا نے ایل بی ڈبلیو آؤٹ کیا۔
مزید پڑھیں
حسن نواز صرف ایک رنز بنا کر پویلین واپس لوٹ گئے، پاکستان کی تیسری وکٹ 147 کے مجموعی اسکور پر گری۔ پاکستان کی چوتھی وکٹ صائم ایوب کی گری وہ صرف آٹھ رنز بنا سکے۔
صاحبزادہ فرحان نے شاندار بیٹنگ کرتے ہوئے ٹی ٹوئنٹی کیرئیر کی 11 ویں نصف سنچری مکمل کی۔ انہوں نے 33 گیندوں پر یہ کارنامہ انجام دیا۔ انہوں نے 4 چھکوں اور 10 چوکوں کی مدد سے 89 رنز بنائے۔ انہوں نے 53 گیندوں کا سامنا کیا۔
.@RealSahibzada motors on to his 11th T20I fifty 🏏
#PAKvSL | #CricketKaJashan | #BackTheBoysInGreen https://t.co/5nlKquuGHR
— Pakistan Cricket (@TheRealPCB) October 9, 2026
شاداب خان بغیر کوئی رنز بنائے ملینگا کی گیند پر تشارا کو کیچ تھما کر پویلین لوٹ گئے، پاکستان نے مطلوبہ ہدف چھ وکٹوں کے نقصان پر 18.5 گیندوں پر حاصل کر لیا۔
اس سے قبل سری لنکا نے ٹاس جیت کر پہلے بیٹنگ کا فیصلہ کیا، سری لنکا نے مقررہ 20 اوورز میں 8 وکٹوں کے نقصان پر 182 رنز بنائے۔
.@RealSahibzada’s first win as captain on home soil! 🇵🇰🔥
Pakistan romp to victory with seven balls to spare, powered by fabulous knocks from Sahibzada and Maaz Sadaqat 👏
#PAKvSL | #CricketKaJashan | #BackTheBoysInGreen https://t.co/yIcK3WxfHj
— Pakistan Cricket (@TheRealPCB) October 9, 2026
سری لنکا کی جانب سے لاہیرو اودارا نے شاندار بیٹنگ کا مظاہرہ کرتے ہوئے 55 گیندوں پر 91 رنز بنائے، ان کی اننگز میں 11 چوکے اور ایک چھکا شامل تھا۔
کامندو مینڈس نے 18 گیندوں پر 23 رنز اسکور کیے، جبکہ داسن شناکا نے 15 گیندوں پر 18 رنز بنائے باقی کھلاڑی خاطر خواہ کارکردگی نہ دکھا سکے۔
پاکستان کی جانب سے نسیم شاہ نے عمدہ بولنگ کرتے ہوئے 36 رنز دے کر 3 وکٹیں حاصل کیں، جبکہ محمد عمران نے 21 رنز کے عوض 2 کھلاڑیوں کو آؤٹ کیا۔ شاداب خان، صائم ایوب اور رضااللہ نے ایک، ایک وکٹ حاصل کی۔
.@iNaseemShah shines in the first over! ☝️
Sri Lanka captain Kusal Mendis removed ⚡
#PAKvSL | #CricketKaJashan | #BackTheBoysInGreen https://t.co/W6G8OkD4Bh
— Pakistan Cricket (@TheRealPCB) October 9, 2026
سری لنکا نے اننگز کا اختتام 182 رنز پر کیا، جس میں اضافی رنز کی تعداد 29 رہی۔ پاکستانی بولرز نے 18 وائیڈ اور ایک نو بال بھی کی۔
