صدر مملکت آصف زرداری اور وزیراعظم شہباز شریف نے وینزویلا میں زلزلے سے قیمتی جانوں کے ضیاع پر گہرے دکھ کا اظہار کیا ہے۔
صدر زرداری نے زلزلے سے ہلاکتوں پر افسوس کا اظہار کرتے ہوئے کہا کہ مشکل گھڑی میں وینزویلا کی حکومت اور عوام کیساتھ ہمدردی کا اظہار کرتے ہیں، پاکستان کے عوام وینزویلا کے عوام کے غم میں برابر کے شریک ہیں۔
صدر مملکت نے زلزلے کے زخمیوں کی جلد صحت یابی کی دعا کی اور کہا کہ امید ہے وینزویلا کے عوام اس سانحے کا بہادری اور عزم کیساتھ مقابلہ کرینگے۔
معاشی طاقت کے لحاظ سے چین کا کوئی ثانی نہیں ، وزیراعظم شہباز شریف
دریں اثنا وزیراعظم شہباز شریف نے وینزویلا میں زلزلے سے تباہی اور قیمتی جانوں کے ضیاع پر گہرے دکھ کا اظہار کرتے ہوئے کہا کہ پاکستان کی جانب سے وینزویلا کی حکومت، عوام اور متاثرین کے اہلخانہ سے دلی تعزیت کا اظہار کرتا ہوں۔
وزیراعظم نے کہا کہ زلزلے میں زخمی ہونے والے افراد کی جلد صحت یابی کے لیے دعاگو ہیں، مشکل اور کٹھن وقت میں متاثرہ افراد کیساتھ مکمل یکجہتی کا اظہار کرتے ہیں۔
واضح رہے وینزویلا، کریبین جزائر، امریکا، میکسیکو اور براعظم امریکا سمیت دنیا کے مختلف ملکوں میں زلزلے کے شدید جھٹکے محسوس کیے گئے ہیں جس کے بعد سونامی کی وارننگ جاری کر دی گئی۔
وینزویلا میں 7.1 اور 7.5 شدت کے زلزلوں سے 22 منزلہ عمارت سمیت درجنوں عمارتیں عمارتیں زمین بوس ہو گئیں۔ جس کے نتیجے میں 32 افراد ہلاک اور 700 زخمی ہو گئے ، وینزویلا کی عبوری صدر نے ہلاکتوں کی تصدیق کر دی ہے۔
امریکی ماہرین نے کہا ہے کہ زلزلے کے باعث وینزویلا میں 10 ہزار سے زائد اموات کا خدشہ ہے۔
وزیراعظم شہباز شریف کی صدر آصف زرداری سے ملاقات، امریکا ایران مذاکرات پربریفنگ
امریکی جیولوجیکل سروے کے مطابق امریکی ریاست کیلیفورنیا میں زلزلے کی شدت 5.6 ریکارڈ ہوئی، زلزلے کے جھٹکے جاپان تک محسوس کیے گئے۔
زلزلے کا مرکز دارالحکومت کراکس سے 284 کلومیٹر مشرق میں تھا، زلزلے کے فوری طور پر سونامی کی وارننگ جاری کر دی گئی، ملک بھر میں ایمرجنسی بھی نافذ کی جا چکی ہے۔
جاپان کی موسمیاتی ایجنسی کے مطابق زلزلے کی شدت 6.9 ،مرکز ایواتی کے ساحل کے قریب اور گہرائی 50 کلومیٹر تھی۔
