بانی پی ٹی آئی کی سابق اہلیہ جمائما گولڈ اسمتھ نے اپنا تقریباً 6.5 ملین پاؤنڈ مالیت کا مغربی لندن میں واقع پرتعیش گھر فروخت کے لیے پیش کر دیا ہے۔
غیر ملکی میڈیا رپورٹس کے مطابق یہ گھر تقریباً 30 سال سے جمائما گولڈ اسمتھ کا خاندانی مرکز ہے ، جہاں انہوں نے اپنی زندگی کے اہم سال گزارے اور اپنے بچوں کی پرورش بھی کی تاہم اب ان کے بچوں کے گھر سے منتقل ہونے کے بعد انہوں نے اسے فروخت کرنے کا فیصلہ کیا ہے۔
جمائما گولڈ اسمتھ نے معروف ارب پتی سے منگنی کر لی
رپورٹس کے مطابق جمائمہ گولڈ اسمتھ اپنی ذاتی زندگی میں نئے مرحلے کا آغاز کرنے جا رہی ہیں اور جلد ہی اپنے منگیتر کے ساتھ نئی زندگی شروع کریں گی، جس کے باعث وہ برطانیہ اور سوئٹزرلینڈ میں وقت گزارنے کا ارادہ رکھتی ہیں۔
یہ گھر جو چیلسی اور فلہم کے درمیان ایک پرائیویٹ علاقے میں واقع ہے، اپنے منفرد ڈیزائن، کھلے کچن اور جدید طرزِ تعمیر کے باعث ایک خاص پہچان رکھتا ہے اور اسے لندن کے نمایاں اور بااثر گھروں میں شمار کیا جاتا ہے۔
