محکمہ موسمیات نے ملک کے مختلف علاقوں میں گرج چمک کے ساتھ بارش کی پیشگوئی کر دی۔
محکمہ موسمیات کے مطابق بالائی خیبرپختونخوا، گلگت بلتستان، کشمیر اور خطہ پوٹھوہار میں گرج چمک کے ساتھ بارش متوقع ہے۔ شمال مشرقی پنجاب کے چند علاقوں میں ژالہ باری کا بھی امکان ظاہر کیا گیا ہے۔ اسلام آباد اور اس کے گردونواح میں بھی بارش کی پیشگوئی کی گئی ہے۔
رپورٹ کے مطابق چترال، بونیر، سوات، باجوڑ، مالاکنڈ اور پارہ چنار میں بارش کا امکان ہے جبکہ خیبر، مہمند، مردان، چارسدہ، ایبٹ آباد، مانسہرہ اور بٹگرام میں بھی بارش متوقع ہے۔
پنجاب کے مختلف اضلاع اوکاڑہ، شیخوپورہ، گجرات، منڈی بہاؤالدین، حافظ آباد، ڈیرہ غازی خان، ٹوبہ ٹیک سنگھ، گوجرانوالہ، سیالکوٹ اور نارووال میں چند مقامات پر بارش کی توقع ہے۔
پاکستان امن چاہتا ہے، بھارت اب دوبارہ حملے کی جرات نہیں کرے گا، خواجہ آصف
اسی طرح پشاور، شانگلہ، کوہستان، دیر، کوہاٹ، اورکزئی، نوشہرہ اور وزیرستان میں بھی بارش کا امکان ہے۔ راولپنڈی، مری، گلیات، اٹک، چکوال، جہلم اور خوشاب میں کہیں کہیں بارش متوقع ہے، جبکہ لاہور، سرگودھا، میانوالی، فیصل آباد، ساہیوال، جھنگ اور قصور میں بھی بارش کی پیشگوئی کی گئی ہے۔
محکمہ موسمیات کا کہنا ہے کہ کراچی سمیت ملک کے بیشتر علاقوں میں موسم گرم رہنے کا امکان ہے۔
