پاکستان سپر لیگ کے ایلیمنیٹر 1 میں ملتان میں کھیلے جانے والے اہم مقابلے میں ملتان سلطانز نے پہلے بیٹنگ کرتے ہوئے مقررہ 20 اوورز میں 9 وکٹوں کے نقصان پر 159 رنز اسکور کیے،کنگز مین نے ٹاس جیت کر پہلے فیلڈنگ کا فیصلہ کیا جو ابتدائی اوورز میں مؤثر ثابت ہوا۔
ملتان سلطانز کی اننگز میں سب سے نمایاں بیٹنگ شان مسعود کی رہی جنہوں نے ذمہ دارانہ کھیل پیش کرتے ہوئے 69 رنز کی ناقابل شکست اننگز کھیلی۔
ان کے علاوہ صاحبزادہ فرحان، اسٹیون اسمتھ اور دیگر بلے باز خاطر خواہ آغاز کے باوجود بڑی اننگز نہ کھیل سکے۔ کنگز مین کی جانب سے باؤلرز نے نپی تلی بولنگ کا مظاہرہ کیا اور وقفے وقفے سے وکٹیں حاصل کر کے ملتان کو بڑا اسکور بنانے سے روکے رکھا۔
بنگلہ دیش کا ٹی ٹوئنٹی ورلڈ کپ نہ کھیلنا بڑی غلطی تھی، شکیب الحسن
بولنگ میں محمد علی اور عاکف جاوید نے 2،2 وکٹیں حاصل کیں جبکہ حنین شاہ نے بھی 2 وکٹیں لے کر ٹیم کو اہم کامیابی دلائی۔ صائم ایوب اور گلین میکسویل نے بھی ایک ایک وکٹ حاصل کی۔
