نیویارک: امریکی صدر ڈونلڈ ٹرمپ نے روسی صدر ولادی میر پیوٹن کو دورہ امریکہ کی دعوت دینے کا فیصلہ کر لیا ہے۔
ترجمان وائٹ ہاؤس سارہ سینڈرز نے اپنے ایک بیان میں کہا ہے کہ صدر ٹرمپ نے مشیر قومی سلامتی جان بولٹن سے روسی صدر کو دورے کی دعوت دینے کے لیے کہا ہے۔
انہوں نے بتایا کہ صدر ٹرمپ نے امریکی شہریوں سے تحقیقات کرنے کی روسی تجویزمسترد کر دی ہے، ٹرمپ نے پیوٹن کی تجویز سے اتفاق نہیں کیا۔
اس سے قبل صدر ٹرمپ نے اپنے ایک ٹویٹ میں کہا تھا کہ وہ صدر پیوٹن سے مزید ملاقات کی امید رکھتے ہیں تاکہ ان معاملات پر عملدرآمد کیا جا سکے جو گزشتہ ملاقات میں طے ہوئے تھے۔
The Summit with Russia was a great success, except with the real enemy of the people, the Fake News Media. I look forward to our second meeting so that we can start implementing some of the many things discussed, including stopping terrorism, security for Israel, nuclear……..
— Donald J. Trump (@realDonaldTrump) July 19, 2018
روس غیرقانونی اقدامات میں ملوث 12 امریکی شہریوں سے تحقیقات چاہتا ہے، روسی صدرپیوٹن نے ٹرمپ سے ملاقات میں تحقیقات کی تجویز پیش کی تھی اور امریکہ کو ان شہریوں تک رسائی دینے کا وعدہ بھی کیا تھا۔
