شہری ذمہ دار ی دکھائیں،فوری گاڑی پر ایم ٹیگ لگوائیں،اسلام آباد انتظامیہ

وفاقی دارالحکومت میں گاڑیوں کو ایم ٹیگ (m tag)لگانے کا سلسلہ تیزی سے جاری ہے ، گزشتہ 7 روز میں مجموعی طور پر 18 ہزار 757 گاڑیوں کو ایم ٹیگ لگائے گئے۔

ضلعی انتظامیہ نے تمام شہریوں سے اپنی گاڑیوں کو ایم ٹیگ لگوانے کی اپیل کرتے ہوئے واضح کیا ہے کہ آئندہ مرحلے میں بغیر ایم ٹیگ گاڑیوں کو وفاقی دارالحکومت میں چلنے کی اجازت نہیں ہوگی۔

اسلام آباد میں تمام گاڑیوں کیلئے ایم ٹیگ لازمی ، پارکنگ میٹرز لگانے کا فیصلہ

ضلعی انتظامیہ کے مطابق گزشتہ چوبیس گھنٹوں میں 10 پوائنٹس پر 3 ہزار 511 گاڑیوں کو Mtag لگائے گئے،شہریوں کی آسانی کے لیے ایم ٹیگ کے 10 پوائنٹس قائم کیے گئے ہیں۔

شہر میں ایم ٹیگ کے حوالے سے پوائنٹس میں مزید اضافہ کیا جائے گا،ذمہ دار شہری ہونے کا ثبوت دیں، آج ہی اپنی گاڑی پر ایم ٹیگ لگوائیں۔