پاکستان نے افغانستان میں مقیم دہشتگرد گروپس کو غیر قانونی اسلحے تک رسائی علاقائی امن کے لیے سنگین خطرہ قرار دیدیا۔
اقوامِ متحدہ کی سلامتی کونسل میں پاکستان کے مستقل مندوب عاصم افتخار احمد نے کہا کہ دہشتگرد تنظیمیں افغانستان سے کھلے عام کارروائیاں کر رہی ہیں۔
ان کا کہنا تھا کہ دہشتگرد گروہوں کو خطے کے ایک بڑے تخریبی کردار کی مالی و عملی مدد حاصل ہے، پاکستان کو افغانستان میں جدید اسلحے اور گولہ بارود کے ذخائر کی موجودگی پر گہری تشویش ہے۔
استنبول مذاکرات: افغانستان سے دراندازی ہوئی تو قطر اور ترکیہ ضامن ہیں، خواجہ آصف
عاصم افتخار احمد نے عالمی برادری سے مطالبہ کیا کہ دہشتگرد گروہوں کو غیر قانونی اسلحے تک رسائی سے روکنے کے لیے اقدامات کئے جائیں اورافغان عبوری حکام کو اپنی ذمہ داریوں اور وعدوں پر عمل درآمد کا پابند بنایا جائے۔
