میکسیکو کے شہر کنکون سے نیو جرسی جانے والی امریکی ایئر لائن جیٹ بلیو کی فلائٹ دورانِ پرواز سنگین تکنیکی مسئلے سے دوچار ہو گئی، جس کے باعث مسافر طیارے کو ریاست فلوریڈا کے شہر ٹمپا میں ہنگامی لینڈنگ (emergency landing) کرنا پڑی۔
واقعے میں متعدد مسافر زخمی ہوگئے۔
تفصیلات کے مطابق جیٹ بلیو فلائٹ 1230 کو لے جانے والا ایئربس A320 طیارہ کنکون انٹرنیشنل ایئرپورٹ سے اڑان بھرنے کے بعد نیو جرسی کے نیوارک لبرٹی انٹرنیشنل ایئرپورٹ کی جانب رواں دواں تھا کہ اچانک پرواز کی اونچائی میں شدید کمی واقع ہوئی۔
اس اچانک جھٹکے کے نتیجے میں متعدد مسافر اور عملے کے افراد زخمی ہوئے۔
فیڈرل ایوی ایشن ایڈمنسٹریشن (FAA) نے واقعے کی تصدیق کرتے ہوئے کہا ہے کہ طیارے نے مقامی وقت کے مطابق دوپہر 2 بج کر 19 منٹ پر ٹمپا ایئرپورٹ پر ہنگامی لینڈنگ کی۔ واقعے کی مکمل تحقیقات شروع کر دی گئی ہیں۔
🚨🇺🇸#BREAKING | NEWS ⚠️
Multiple people injured after a JetBlue flight (#B61230) departing from Cancun headed to Newark had to make an emergency landing in
Tampa, Florida after severe turbulence, the plane was able to land safely. The FAA is looking into the matter. pic.twitter.com/h83p46oGBw— Todd Paron🇺🇸🇬🇷🎧👽 (@tparon) October 30, 2025
جیٹ بلیو کے ترجمان کے مطابق طیارے کے اترنے کے فوراً بعد طبی عملے نے زخمی مسافروں اور عملے کا معائنہ کیا، جبکہ 15 سے 20 افراد کو معمولی زخموں کے باعث قریبی اسپتال منتقل کیا گیا۔
ترجمان کا کہنا تھا کہ طیارے کا معائنہ جاری ہے اور مکمل تحقیقات کے بعد واقعے کی وجوہات سامنے لائی جائیں گی۔
A JetBlue flight from Cancun to Newark made an emergency landing in Tampa on Thursday afternoon after experiencing a sudden drop in altitude, prompting a medical response for passengers and crew. Full story >> https://t.co/1HU0jVY1Az pic.twitter.com/580051iRkh
— Tampa Bay 28 (@tampabay28) October 31, 2025
یاد رہے کہ رواں سال دورانِ پرواز جھٹکوں (turbulence) اور اونچی اڑان سے اچانک پستی کی طرف جھکاؤ کے باعث کئی سنگین فضائی واقعات پیش آ چکے ہیں۔
نیشنل ٹرانسپورٹیشن سیفٹی بورڈ اس سے قبل جولائی میں ڈیلٹا ایئر لائنز کی ایک پرواز کی بھی تحقیقات کر رہا ہے، جو شدید جھٹکوں کے باعث منیپولس میں ہنگامی طور پر اتاری گئی تھی اور جس میں 25 افراد زخمی ہوئے تھے۔
