اسلام آباد: غیر ملکی میڈیا نے انکشاف کیا ہے کہ پہلگام فالس فلیگ میں مودی سرکار نے حقائق چھپاتے ہوئے آرٹیفیشل انٹیلی جنس (اے آئی) کا استعمال کیا۔
ذرائع کے مطابق مودی سرکار پہلگام حملے کو بنیاد بنا کر جھوٹی پراپیگنڈا مہم چلا رہی ہے۔
غیر ملکی میڈیا نے انکشاف کیا کہ سوشل میڈیا پر گمراہ کن ویڈیوز اور تصاویر کو مودی حکومت کی پشت پناہی حاصل ہے۔ پہلگام میں منظر عام پر آنے والے جوڑے کی پرانی ویڈیو کو مقتول سیاحوں سے جوڑ کر غلط بیانی کی گئی۔
فرانس 24 نیوز کے مطابقہ مودی سرکار کے زیراثر بھارتی میڈیا جھوٹی ویڈیوز کو سچ بنا کر پیش کر رہا ہے۔ حملے کے بعد سوشل میڈیا پر لیفٹیننٹ نورول کی شناخت کو جھوٹے مواد سے جوڑ دیا گیا۔ جبکہ انٹرنیٹ پر شیئر کی گئی ویڈیوز میں دکھائے گئے افراد کا حملے سے کوئی تعلق نہیں ہے۔
غیر ملکی میڈیا نے مزید کہا کہ مودی سرکار کی اے آئی سے بنائی گئی۔ تصاویر سے ہمدردی حاصل کرنے کی دانستہ کوشش ہے۔ اور جھوٹا مواد بھارتی نیوز چینلز پر بھی نشر کیا گیا۔
فیک نیوز کے خلاف متاثرین نے خود سامنے آ کر حقائق واضح کیے ہیں۔ متاثرہ خاندانوں کے جذبات سے کھیلنے پر سوشل میڈیا صارفین نے شدید مذمت کی۔ ویڈیوز اور تصاویر کے حوالے سے کوئی مستند سورس نہ ملنا ان کے جعلی ہونے کی علامت ہے۔
یہ بھی پڑھیں: پاک بھارت کشیدگی، مارکیٹوں میں اہم ادویات کی شدید قلت
ماہرین کے مطابق کہ اے آئی تصاویر میں جسمانی ساخت، آنکھوں اور پس منظر میں واضح خامیاں پائی گئی ہیں۔ اور سوشل میڈیا پلیٹ فارمز پر فیک ویڈیوز کے خلاف کارروائی کا مطالبہ زور پکڑ گیا ہے۔
انہوں نے کہا کہ مودی سرکار سچ پر پردہ ڈالنے کیلئے اے آئی ٹیکنالوجی کا غلط استعمال کر رہی ہے۔ اور پہلگام حملے کو استعمال کر کے مودی سرکار دونوں ممالک میں کشیدگی کو مزید ہوا دے رہی ہے۔ جعلی اے آئی تصاویر سے مودی سرکار عوام کے جذبات بھڑکا رہی ہے۔
