اسپیکرقومی اسمبلی سردار ایاز صادق نے مسلم ورلڈ لیگ کے سیکریٹری جنرل، شیخ ڈاکٹر محمد بن عبدالکریم العیسیٰ سے ملاقات کی۔
جس میں باہمی دلچسپی کے امور پر تبادلہ خیال کیا گیا، ڈاکٹر العیسیٰ نے سردار ایاز صادق کا پرتپاک خیر مقدم کرتے ہوئے پاکستان کی مسلم دنیا میں اہمیت کو سراہا۔
وزیرخزانہ کی واشنگٹن میں اہم ملاقاتیں، دوطرفہ اقتصادی تعاون کووسعت دینے پر اتفاق
ملاقات میں سردارایازصادق نے اسلامی اتحاد کے فروغ، اسلاموفوبیا کے خلاف مؤثر اقدامات اورمسلم معاشروں میں لڑکیوں کی تعلیم کوعام کرنے کیلئے مسلم ورلڈ لیگ کے کردارکی تعریف کی۔
انہوں نے کہا کہ پاکستان مسلم دنیا میں اتحاد، رواداری اورمذہبی ہم آہنگی کے فروغ کے لئے سرگرم کردار ادا کرتا رہے گا۔
محمد بن عبدالکریم العیسیٰ نے کہا کہ پاکستان کا اسلامی دنیا میں کلیدی کردار ہے اور مسلم ورلڈ لیگ عالمی سطح پر امن، برداشت اورتعلیم کے فروغ کے لئے پاکستان کے ساتھ مل کر کام کرنے کی خواہاں ہے۔
