اسرائیلی فوج کے مظالم جاری ،غزہ سٹی میں واقع آخری فعال العہلی اسپتال بھی بمباری سے تباہ جبکہ درجنوں فلسطینی شہید ہو گئے۔
برطانوی خبر رساں ادارے کی خبر کے مطابق اسرائیلی جنگی طیاروں کے حملے میں اسپتال کے انسینٹیو کیئر اور سرجری ڈیپارٹمنٹس کو شدید نقصان پہنچا۔
اسرائیلی فوج کے مطابق اس حملے کا مقصد اسپتال میں موجود حماس کے کمانڈ اینڈ کنٹرول سینٹر کو نشانہ بنانا تھا تاہم غزہ کی ایمرجنسی سروسز کے مطابق حملے میں جانی نقصان کی اطلاع نہیں ملی۔
اس کے علاوہ غزہ کے علاقے دیر البلح میں اسرائیلی حملے میں 6 بھائیوں سمیت 37 افراد شہید ہو گئے۔ غزہ کی وزارتِ صحت کے مطابق اسرائیل کی جنگ میں اب تک کم از کم 50 ہزار 944 فلسطینی شہید ہو چکے ہیں۔
