دبئی: بھارتی کرکٹ ٹیم نے مسلسل 15 مرتبہ اور کپتان روہت شرما نے 12 میچوں میں ٹاس ہارنے کا ریکارڈ اپنے نام کر لیا۔
بھارتی کرکٹ ٹیم کے کپتان روہت شرما نے ایک روزہ کرکٹ میچ میں مسلسل ٹاس ہارنے کا ریکارڈ برابر کر لیا۔
دبئی میں چیمپئنز ٹرافی کے فائنل میچ میں بھی بھارتی کپتان روہت شرما ٹاس ہارے۔ اور نیوزی لینڈ کے کپتان سینٹنر نے ٹاس جیت کر پہلے بیٹنگ کرنے کا فیصلہ کیا۔ یہ روہت شرما کی قیادت میں مسلسل 12 واں میچ تھا جس میں وہ ٹاس نہ جیت سکے۔
روہت شرما نے مسلسل ٹاس ہارنے کا ریکارڈ برابر کر دیا۔ اور یہ بدترین ریکارڈ ٹیم کے نام ہو گیا۔ بھارتی ٹیم کے ساتھ ٹاس میں شکست کا آغاز ورلڈ کپ 2023 کے فائنل میں آسٹریلیا کے خلاف شروع ہوا تھا جو تاحال جاری ہے۔
یہ بھی پڑھیں: بھارت نے تیسری مرتبہ چیپمپئنز ٹرافی کا ٹائٹل جیت لیا
اس سے قبل ویسٹ انڈیز کے عظیم بلے باز اور سابق کپتان برائن لارا مسلسل 12 میچوں میں ٹاس ہارے تھے۔ برائن لارا اکتوبر 1998 سے مئی 1999 تک مسلسل 12 مرتبہ ٹاس ہار گئے تھے۔
