پاکستان نے ون ڈے ٹرائی سیریز کے چوتھے میچ میں شاداب خان کی شاندار سنچری کی بدولت انگلینڈ کو ایک وکٹ سے شکست دے دی۔
لاہور میں کھیلے گئے میچ میں قومی ٹیم نے 242 رنز کا ہدف 47.1 اوورز میں 9 وکٹوں کے نقصان پر حاصل کرلیا، انگلینڈ نے پہلے بیٹنگ کرتے ہوئے 46.4 اوورز میں 241 رنز بنائے تھے۔
سب سے زیادہ پڑھی جانے والی
جواب میں پاکستان کی بیٹنگ مشکلات کا شکار رہی تاہم شاداب خان نے ذمہ دارانہ اور جارحانہ بیٹنگ کرتے ہوئے ٹیم کو فتح سے ہمکنار کردیا۔
شاداب خان نے 96 گیندوں پر ناقابل شکست 113 رنز بنائے، ان کی اننگز میں 13 چوکے اور 5 چھکے شامل تھے، حارث رؤف 7 رنز کے ساتھ ناٹ آؤٹ رہے اور دونوں نے آخری وکٹ کے لیے ٹیم کو کامیابی دلائی۔
خیال رہے کہ شاداب خان نے ون ڈے کیریئر کی پہلی سنچری اسکور کی ہے۔
𝑷𝒂𝒌𝒊𝒔𝒕𝒂𝒏 𝒄𝒓𝒊𝒄𝒌𝒆𝒕 𝒂𝒕 𝒊𝒕𝒔 𝒗𝒆𝒓𝒚 𝒃𝒆𝒔𝒕 🇵🇰💚
A @HarisRauf14 boundary to seal a stunning one-wicket win! 🤩
#PAKvENG | #CricketKaJashan | #PinkDay https://t.co/kngsaqs4in
— Pakistan Cricket (@TheRealPCB) October 25, 2026
پاکستان کی جانب سے سعد بیگ نے 22 گیندوں پر 32 رنز بنائے، جبکہ سلمان آغا نے 26 اور حسن نواز نے
15 رنز کی اننگز کھیلی۔ فخر زمان 10، صائم ایوب 6 اور بابراعظم 10 رنز بنا کر آؤٹ ہوئے۔
انگلینڈ کی جانب سے جیمی اوورٹن نے 3 وکٹیں حاصل کیں، گس ایٹکنسن اور لیام ڈاسن نے 2، 2 کھلاڑیوں کو آؤٹ کیا۔
THE MOST STAGGERING COMEBACK YOU WILL EVER SEE! 🤯🇵🇰
Pakistan rise from the ropes, powered by a phenomenal @76Shadabkhan century 💯
#PAKvENG | #CricketKaJashan | #PinkDay https://t.co/mA0onNC7VZ
— Pakistan Cricket (@TheRealPCB) October 25, 2026
اس سے قبل انگلینڈ نے پہلے بیٹنگ کرتے ہوئے 241 رنز بنائے تھے، بین ڈکٹ نے 111 گیندوں پر 105 رنز کی عمدہ اننگز کھیلی، جبکہ سیم کرن نے 42 اور گس ایٹکنسن نے ناقابل شکست 36 رنز بنائے۔
SHADAB SUPERSTAR KHAN! WHAT A KNOCK! 🤩
A century to savour. @76Shadabkhan, take a bow 💯👏
#PAKvENG | #CricketKaJashan | #PinkDay https://t.co/Vc9F63mE9V
— Pakistan Cricket (@TheRealPCB) October 25, 2026
پاکستان کی جانب سے شاہین شاہ آفریدی نے شاندار بولنگ کرتے ہوئے 4 وکٹیں حاصل کیں، عرفات منہاس اور رضا اللہ نے 2، 2 کھلاڑیوں کو آؤٹ کیا، جبکہ حارث رؤف نے ایک وکٹ حاصل کی۔
بریسٹ کینسرآگاہی مہم کے تحت پاکستانی کھلاڑیوں نے آج گلابی کٹ پہن رکھی ہے۔
یاد رہے سہ ملکی سیریز کے پہلے 3 میچزراولپنڈی میں کھیلے گئے تھے جہاں پاکستان نے اپنے 2 میچز میں کامیابی حاصل کی، سری لنکا ایک میچ میں فاتح رہا دوسرے میچ میں اسے شکست کا سامنا کرنا پڑا جبکہ انگلینڈ اپنے پہلے دونوں میچز ہارا۔
صدر مملکت کی قومی کرکٹ ٹیم کو شاندار فتح پر مبارکباد
صدر مملکت آصف علی زرداری نے اعصاب شکن مقابلے میں انگلینڈ کے خلاف پاکستان کرکٹ ٹیم کی ایک وکٹ سے شاندار فتح پر مبارکباد دیتے ہوئے قومی کھلاڑیوں کی کارکردگی، عزم، ٹیم ورک اور سہ ملکی سیریز میں مجموعی کارکردگی کو سراہا۔
وزیراعظم شہباز شریف کی قومی کھلاڑیوں کو مبارکباد
وزیراعظم شہباز شریف نے پاکستان کی شاندار فتح پر کھلاڑیوں کو مبارکباد دیتے ہوئے کہا کہ شاداب خان کی سنچری شاندار تھی، جبکہ شاداب اور حارث کی شراکت داری نے کھیل کا پانسہ پلٹ دیا، لاہور کے تماشائی پوری قوم کی آواز تھے۔
محسن نقوی نے شاداب خان کی شاندار اننگز کو سراہا
چیئرمین پاکستان کرکٹ بورڈ محسن نقوی نے انگلینڈ کے خلاف پاکستان کی سنسنی خیز فتح پر خوشی کا اظہار کیا۔ انہوں نے میچ کے اختتام پر تالیاں بجا کر قومی کھلاڑیوں کی حوصلہ افزائی کی اور شاداب خان کی شاندار اننگز کو سراہا۔
