قومی ٹیم کے وکٹ کیپر حسیب اللہ ان فٹ ہو گئے جس کی وجہ سے ویسٹ انڈیز کے خلاف 2 ٹیسٹ کی سیریز کیلئے دستیاب نہیں ہونگے۔
پاکستان کیلئے ایک ون ڈے اور 3 ٹی 20 کھیلنے والے حسیب اللہ دورہ جنوبی افریقا میں وکٹ کیپر محمد رضوان کے ساتھ 15 رکنی اسکواڈ میں دوسرے وکٹ کیپر تھے۔
بائیں ہاتھ سے بیٹنگ کر نے والے حسیب اللہ نوجوان ابھرتے ہوئے وکٹ کیپر ہیں۔
ٹی20 سیریز؛ انجرڈ اعظم خان کی جگہ حسیب اللہ ٹیم میں شامل
حسیب اللہ نے 21 جنوری 2024 کو کرائسسٹ چرچ میں شاہین شاہ آفریدی کی قیادت میں اپنا پہلا ٹی 20 بطور اوپننگ بیٹسمین کھیلا تھا۔
24 نومبر 2024 کو بلاوایو میں وکٹ کیپر محمد رضوان کی قیادت میں بھی حسیب اللہ نے بطور بیٹسمین پہلا بین الااقوامی ون ڈے کھیلا۔
