ملک کے بیشتر شدید دھند کی لپیٹ میں آ گئے،لاہور میں حد نگاہ چند میٹر رہ گئی، کئی مقامات پر موٹرویز کو ٹریفک کیلئے بند کردیا گیا۔
ترجمان موٹروے پولیس کے مطابق پنجاب کے مختلف مقامات پر شدید دھند کے باعث موٹروے ایم 2 لاہور سے کوٹ مومن تک جبکہ موٹروے ایم 3 کو جڑانوالہ سے رجانہ تک ٹریفک کے لیے بند کردیا گیا۔
برطانیہ میں تین دن کے لئے شدید برفباری کی وارننگ
ترجمان موٹروے پولیس نے بتایا کہ موٹروے 4 پنڈی بھٹیاں سے فیصل آباد اورشیر شاہ ملتان سے عبد الحکیم تک اور موٹروے 5 روہڑی ٹال پلازہ سے رحیم یارخان تک بڑی گاڑیوں کے لئے بند کردیا گیا۔
لاہور سیالکوٹ موٹروے ایم 11 کو بھی دھند کے باعث بند کردیا گیا ہے، معلومات اورمدد کیلئے ہیلپ لائن 130 سے رابطہ کریں۔
ہفتے اور اتوار کو ملک کے بالائی علاقوں میں برف باری کا امکان
موٹرویزکوعوام کی حفاظت اورمحفوظ سفر یقینی بنانے کیلئے بند کیا جاتا ہے، شہری زیادہ سے زیادہ دن کے اوقات سفر کریں۔
ترجمان نے مزید بتایا کہ عوام غیر ضروری سفر سے گریز کریں، تیز رفتاری سے پرہیز کر یں اور اگلی گاڑی سے مناسب فاصلہ رکھیں، ڈرائیورز فوگ لائٹس کا استعمال کریں۔
