لاہور ہائیکورٹ نے وزیراعظم شہباز شریف کے بانی پی ٹی آئی کے خلاف ہرجانے کے دعوے میں بانی پی ٹی آئی کی درخواست ناقابل سماعت قرار دے دی۔
جسٹس چودھری محمد اقبال نے بانی پی ٹی آئی کی درخواست ناقابل سماعت قرار دے دی، عمران خان کی درخواست پر گزشتہ روز عدالت نے فیصلہ محفوظ کیا تھا، جو آج عدالت نے سنایا۔
عدالت نے بانی پی ٹی آئی کی گواہوں کو تحریری گواہی کی اجازت دینے کے خلاف درخواست ناقابل سماعت قرار دے دی۔
حکومت نے مولانا فضل الرحمان کیخلاف علماء کو بٹھایا، حافظ حمد اللہ
بانی پی ٹی آئی نے درخواست میں موقف اختیار کیا تھا کہ ٹرائل کورٹ نے ہتک عزت کے دعویٰ میں گواہوں کو تحریری صورت میں گواہی دینے کی اجازت دی، ٹرائل کورٹ کا فیصلہ حقائق کے برعکس ہے۔
درخواست میں موقف اختیار کیا گیا کہ گواہ کمرہ عدالت میں پیش ہوکر گواہی دیں، درخواست میں عدالت سے استدعا کی گئی تھی کہ عدالت ٹرائل کورٹ کا فیصلہ کالعدم قرار دے۔
