اسلام آباد: وزیر دفاع خواجہ آصف نے کہا ہے کہ خواجہ آصف نے صیہونی اپنے پروجیکٹ بانی پی ٹی آئی کو بچانے نکل پڑے۔
وزیر دفاع خواجہ محمد آصف نے ایک بار پھر بانی پی ٹی آئی کو اسرائیل سے جوڑتے ہوئے ان پر طنز کیا۔ خواجہ آصف نے سوشل میڈیا پلیٹ فارم ایکس پر بانی پی ٹی آئی کی پہلی بیوی جمائما گولڈ اسمتھ کے بھائی زیک گولڈ اسمتھ کے ٹوئٹ کو ری شیئر کر دیا۔
خواجہ آصف نے لکھا کہ صیہونی/اسرائیل اپنے پروجیکٹ بانی پی ٹی آئی کو بچانے نکل پڑے۔
واضح رہے کہ زیک گولڈ اسمتھ نے گزشتہ روز ایکس پر ہی جاری اپنے پیغام میں عالمی برادری کی توجہ مبذول کراتے ہوئے لکھا تھا کہ پاکستانی اشرافیہ جانتی ہے اڈیالہ جیل میں قید بانی پی ٹی آئی پاکستانی عوام کے پسندیدہ ترین لیڈر ہیں۔
یہ بھی پڑھیں: عمران خان کی جماعت ختم کرنے کیلئے بشریٰ بی بی ہی کافی ہیں، عظمیٰ بخاری
زیک نے لکھا کہ یہ لوگ اقتدار سے چمٹے رہنے کے لیے کچھ بھی کریں گے۔ اور اس وجہ سے بانی پی ٹی آئی کے لیے صورتحال کافی خطر ناک ہوچکی ہے۔
زیک گولڈ اسمتھ کا کہنا تھا کہ ان عناصر کی کوئی بھی حرکت بانی پی ٹی آئی اور پاکستان کے لیے خطرناک ہوسکتی ہے۔ اب وقت آچکا ہے کہ عالمی برادری بانی پی ٹی آئی کے لیے بھرپور آواز اٹھائے۔
