وزیر خزانہ محمد اورنگزیب نے کہا ہے کہ پنشن ایک بم کی شکل اختیار کر چکی ہے ، پنشن اصلاحات پر جلد قانون سازی لائیں گے۔
سینیٹ میں وقفہ سوالات کے دوران محمد اورنگزیب نے کہا کہ زراعت فنانس کو بڑھانا ہے، لائیو اسٹاک اور ڈیری کی بھی فنانسنگ کی ضرورت ہے۔
خیرات سے ملک نہیں چلتا، ہر ایک کو کردار ادا کرنا ہوگا، وزیر خزانہ
محمد اورنگزیب کا کہنا تھا کہ ہماری گزشتہ سال بچت زراعت کے شعبے سے ہوئی جس کی گروتھ 6 فیصد تھی، ٹیکسٹائل کے علاوہ دیگر شعبوں میں برآمدات بڑھانا پڑیں گی، برآمدات بڑھانے پر کام کر رہے ہیں۔
انہوں نے مزید کہا کہ جو ادارے نقصان میں جا رہے ہیں وہاں سے اربوں روپے کی بچت ہو سکتی ہے۔
