بانی پی ٹی آئی عمران خان نے سپریم کورٹ کی جانب سے نیب ترامیم سے متعلق کیس کے فیصلے بعد 190 ملین پاؤنڈز کیس میں ریلیف مانگ لیا۔
اڈیالہ جیل میں احتساب عدالت کے جج ناصر جاوید رانا نے 190ملین پاؤنڈز ریفرنس کی سماعت ہوئی جس کے دوران بانی پی ٹی آئی نے بریت کی درخواست دائر کر دی۔
عمران خان اور بشریٰ بی بی کی عبوری ضمانت میں توسیع ، ویڈیو لنک پیشی پر جواب طلب
بانیٔ پی ٹی آئی کے وکیل نے کہا کہ نیب ترامیم فیصلے کے بعد 190 ملین پاؤنڈز کا کیس بنتا ہی نہیں، نیب ترامیم میں کابینہ کے تمام فیصلوں کو تحفظ حاصل ہے، سوال یہ ہے کہ نیب ترامیم کے بعد احتساب عدالت کا اس کیس میں دائرہ اختیار بنتا ہے یا نہیں۔
190 ملین پاؤنڈ کیس: پرویز خٹک کی بانی پی ٹی آئی کیخلاف بیان میں تصحیح کی درخواست مسترد
نیب پراسیکیوٹر نے کہا کہ اگر عدالت کا اس کیس میں دائرہ اختیار ہے تو بریت کی درخواست سنی جا سکتی ہے ، عمران خان کے وکیل نے کہا کہ ہم نے عدالت کے دائرہ اختیار کو چیلنج ہی نہیں کیا، دائرہ اختیار کا فیصلہ کرنا عدالت کی صوابدید ہے۔
بعد ازاں عدالت نے بانی پی ٹی آئی کی درخواستِ بریت پر سماعت 10 ستمبر تک ملتوی کر دی۔
