پرامن ممالک کی فہرست میں پاکستان کی دودرجے بہتری


پر امن ممالک کی فہرست میں 2 درجے بہتری کے بعد پاکستان 163 ممالک میں 140 ویں نمبر پر آ گیا ہے۔

انسٹیٹیوٹ برائے اکنامکس اینڈ پیس کی جانب سے سالانہ رپورٹ جاری کی گئی ہے، جس میں دنیا بھر کے ممالک کی امن کے حوالے سے درجہ بندی کی گئی ہے۔اس رپورٹ میں پاکستان کی 2 درجے بہتری سامنے آئی ہے، ذرائع کے مطابق 2 درجے بہتری کے بعد پاکستان 163 ممالک کی فہرست میں 140 ویں نمبر پر آ گیا ہے۔

پر امن ممالک کی فہرست میں پاکستان آخری 24 ممالک میں شامل ہے تاہم اب صورتحال کچھ حد تک بہتر دکھائی دے رہی ہے۔جبکہ آئی ای پی کی جانب سے درجہ بندی سیکیورٹی، تحفظ، تنازعات اور دیگر عناصر کو ملحوظ خاطر رکھتے ہوئے جاری کی گئی ہے۔

پاکستان پر قرض اورمالی ضمانتوں کا بوجھ 80ہزار 862 ارب روپےتک پہنچ گیا

دوسری جانب اسی فہرست میں بھارت کا 116 واں، سعودی عرب کا 102، چین کا 88، امارات کا 53، امریکا کا 132، بنگلادیش کا 93 اور سری لنکا کا 100 واں نمبر ہے جبکہ آئیس لینڈ 1 اعشاریہ 112 اسکور حاصل کر کے مسلسل 16 ویں مرتبہ پر امن ترین ملک قرار دیا گیا ہے۔

جبکہ آئیس لینڈ کے بعد آئرلینڈ اور آسٹریا فہرست میں جگہ بنانے میں کامیاب ہو پائے ہیں۔اسی فہرست میں سوئٹزرلینڈ کا چھٹا، پرتگال کا 7 واں، ڈنمارک 8 ویں پر اور سلوانیا 9 ویں نمبر پر موجود ہے، جبکہ ملائیشیا 10ویں نمبر پر آیا ہے۔جبکہ فلسطین پر انسانی حقوق کی سنگین خلاف ورزیوں کے بعد اب اسرائیل 11 درجے تنزلی کے بعد 157 سے 155 پر پہنچ گیا ہے۔


متعلقہ خبریں