عمران خان ، شاہ محمود ، مراد سعید توڑ پھوڑ کے 2 مقدمات سے بری

عمران خان

ڈسٹرکٹ اینڈ سیشن کورٹس اسلام آباد نے بانی پی ٹی آئی عمران خان اور شاہ محمود قریشی کو آزادی مارچ کے دوران توڑ پھوڑ سے متعلق 2 مقدمات میں بری کر دیا۔

جوڈیشل مجسٹریٹ احتشام عالم نے پی ٹی آئی قیادت کے خلاف آزادی مارچ کے دوران توڑ پھوڑ اور دفعہ 144 کی خلاف ورزی پر درج دو مقدمات کی سماعت کی۔

شیخ مجیب الرحمان ویڈیو معاملہ، عمران خان کا ایف آئی اے ٹیم سے ملنے سے انکار

پی ٹی آئی رہنما علی محمد خان اور اسد عمر عدالت کے روبرو پیش ہوئے جبکہ تمام ملزمان نے بریت کی درخواستیں دائر کیں ، عدالت نے اسد عمر ،علی محمد خان اور مراد سعید کو بھی مقدمات سے بری کر دیا۔

عمران خان ، شاہ محمود قریشی و دیگر رہنماؤں کے خلاف دونوں مقدمات تھانہ گولڑہ میں درج تھے۔


متعلقہ خبریں