ہر وزارت کو غریب لوگوں کی خدمت کرنے کے اہداف دئیے گئے ہیں، وفاقی وزیرپیٹرولیم

Musadiq Malik

وفاقی وزیر پٹرولیم مصدق ملک نے کہا ہے کہ ہر وزارت کو غریب لوگوں کی خدمت کرنے کے اہداف دئیے گئے ہیں ، وزیراعظم شہباز شریف کہتے ہیں غریب آدمی کا کیا قصور ہے ، غریب پر مہنگائی کا بوجھ کم کیا جائے ۔ ایک ماہ میں پیٹرول25روپے اورڈیزل 20روپے فی لیٹر سستا ہوا ہے۔

اسلام آباد میں پریس کانفرنس سے خطاب کرتے ہوئے وفاقی وزیر پٹرولیم مصدق ملک نے کہا کہ غریب آدمی پرمہنگائی کا بوجھ کم پڑے،تمام وزارتوں کواس حوالے سے اہداف سونپے گئے ہیں، ہماری حکومت کا بنیادی مقصد غریب عوام کو زیادہ سے زیادہ ریلیف دینا ہے۔

پنجاب پولیس کا مختلف اضلاع میں مزید 29 سمارٹ تھانے بنانے کا فیصلہ

انہوں نے کہا کہ وزیراعظم شہباز شریف کہتے ہیں، غریب آدمی کا کیا قصور ہے، غریب پر مہنگائی کا بوجھ کم کیا جائے، لیکن بین الاقوامی سطح پر قیمتیں بڑھنے سے ہمیں بھی اس کا سامنا کرنا پڑا ہے۔

انہوں نے کہا کہ پچھلے سال کے مقابلے میں 2.5فیصد ترقی کی شرح کا ہدف ہے ، ہم آہستہ آہستہ ترقی کرتے منزل کی طرف جا رہے ہیں ، مہنگائی کی شرح میں مسلسل کمی آ رہی ہے ، مہنگائی کی شرح 37فیصد سے کم ہو کر 17فیصد پر آ گئی ہے ،

فوڈ انفلیشن 40فیصد سے کم ہو کر 11فیصد پر آ گئی ہے ، جس حد تک موقع ملتا ہے ہم پیٹرولیم مصنوعات کی قیمتوں میں کمی کرتے ہیں ، ایک ماہ میں پیٹرول25روپے اورڈیزل 20روپے فی لیٹر سستا ہوا ہے۔

وفاقی وزیر نے کہا کہ تجارتی خسارہ 4ارب ڈالر سے کم ہو کر 20کروڑ ڈالر رہ گیا ہے ، تجارتی خسارے میں 95فیصد کمی آئی ہے ، ہمارا غریب آدمی کیلئے روز گار پیدا کرنا ،مہنگائی کم کرنا اور سہولیات پیدا کرنا اہداف ہیں ،

سپریم کورٹ نے نیب ترامیم کیس لائیونشر نہ کرنے کا حکم نامہ جاری کردیا

مصدق ملک کا کہنا تھا کہ اس وقت سارے اشاریے بتا رہے ہیں کہ ہم معاشی استحکام کی طرف جا رہے ہیں ، ہم اچھا بجٹ دینے کی بھرپور کوشش کر رہے ہیں ، اس سال ٹیکس کلیکشن میں 30فیصد اضافہ ہوا ہے، امپورٹ کم اور ایکسپورٹ بڑھ رہی ہے۔

انکا مزید کہنا تھا کہ آئی ٹی اور چھوٹے کاروبار کیلئے سہولیات پیدا کی جائیں گی ، دیہی علاقوں کی ترقی کی شرح ساڑھے 6فیصد ہے۔


متعلقہ خبریں