پاکستان کرکٹ ٹیم کے سابق کپتان شاہد آفریدی نے کہا ہے کہ میرے خیال سے پاکستان کو فائنل کھیلنا چاہیے، صائم ایوب کی جگہ فخر کو اوپر کھیلنا چاہیے۔
آئی سی سی ٹی ٹوئنٹی ورلڈکپ 2024 کے حوالے سے گفتگو کرتے ہوئے انہوں نے کہا کہ ویسٹ انڈیز اور امریکا کی کنڈیشنز پاکستان کے حق میں ہیں۔ پاکستان کے اسپنرز آؤٹ آف فارم ہیں لیکن میں پُرامید ہوں کہ فارم میں واپس آجائیں گے۔
شاہد آفریدی کا کہنا تھا کہا پاکستان کی بیٹنگ میں اسٹرینتھ ہے لیکن تنگ کرنے والی چیز اسٹرائیک ریٹ ہے۔ شروع کے 7 سے 14 اوورز تک بلے بازوں کا اسٹرائیک ریٹ بہتر ہونا چاہیے۔
انگلینڈ کیخلاف دوسرے میچ میں خراب کارکردگی، بابر شاداب کا دفاع کرتے نظر آئے
آئی سی سی ٹی ٹوئنٹی ورلڈکپ کے سفیر نے کہا کہ عماد وسیم اور محمد عامر بہت تجربہ کار کھلاڑی ہیں، دونوں ویسٹ انڈیز کی لیگ کھیل چکے ہیں۔ ان کے اس تجربے سے فائدہ ہوگا۔
سابق کپتان نے کہا کہ قومی ٹیم کا فاسٹ باؤلنگ اٹیک تمام ٹیموں سے بہترین ہے لیکن جتنے بڑے باؤلرز ہیں ان پر ذمہ داری بھی انتی ہی زیادہ ہوگی۔
انہوں نے مزید کہا کہ دعاگو ہوں کہ صائم ایوب اچھا پرفارم کرے، انہیں کافی موقع ملا ہے۔ اگر وہ انگلینڈ سیریز میں پرفارم نہیں کرتے تو فخر کو اوپر موقع دینا چاہیے۔
