شدید گرمی ، کمزور ٹائر وں والی گاڑیوں کو موٹر وے پر داخلے سے گریز کرنے کی ہدایت

moterway police

موٹر وے ایم تھری، ایم فور پولیس نے گرمی کی شدت کے پیش نظردوپہر کے اوقات میں کمزور ٹائر وں والی گاڑیوں کو موٹر وے پر داخلے سے گریز کرنے کی ہدایت کی ہے ۔

فیصل آباد، پنڈی بھٹیاں موٹر وے ایم تھری اور فیصل آباد، گوجرہ موٹر وے ایم فور کی موٹروے پولیس کے ترجمان نے بتایا ہے کہ  خصوصی آگاہی مہم شروع کر دی گئی ہے۔

وفاقی کابینہ ،فیض آباد دھرنا کیس کی تحقیقاتی رپورٹ پر عدم اطمینان کا اظہار

ہر قسم کی ٹرانسپورٹ کے مالکان بالخصوص ڈرائیورز، کنڈیکٹرز کو ہدایت کی جا رہی ہے کہ وہ موسم گرما کی شدت میں اضافہ کے باعث کمزور ٹائروں والی گاڑیاں موٹر وے پر نہ لے کر آئیں تاکہ حادثات کا خدشہ نہ رہے۔

انہوں نے مزید کہا کہ شدید گرمی میں موٹروے پر آنے والی کمزور ٹائروں کی حامل اکثر گاڑیوں کے ٹائر پھٹ جاتے ہیں جس سے سنگین حادثات کا خطرہ رہتاہے۔

نیٹ میٹرنگ کےحوالے سے کوئی پالیسی تبدیل نہیں کی جا رہی، وزیر توانائی

موٹروے محفوظ سفر کی ضامن ہے اس لئے کمزور ٹائروں والی گاڑیوں کے مالکان کو چاہیے کہ وہ اپنی گاڑیاں موٹر وے پر لانے سے گریز کریں۔

یاد رہے ملک بھر میں گرمی اپنے عروج پر ہے ، کئی شہروں میں درجہ حرارت 45 ڈگری سینٹی گریڈ سے تجاوز کرچکا ہے۔


ٹیگز :
متعلقہ خبریں