پی آئی اے (پاکستان انٹرنیشنل ایئر لائن) نے متحدہ عرب امارات کے لیے سفر کرنے والے مسافروں کے لیے سفری ہدایات جاری کر دی ہیں۔
متحدہ عرب امارات میں طوفانی بارشوں کے باعث دبئی اور شارجہ کے لیے فضائی آپریشن شدید متاثر ہے، پی آئی اے سمیت دیگر ایئر لائنز کا فضائی آپریشن تاحکم ثانی معطل رہے گا۔
سعودی عرب، دبئی، شارجہ اور دیگر ریاستوں میں موسلا دھار بارشیں
قومی ائیر لائن کے اعلامیہ کے مطابق کچھ پروازوں کو خراب موسم کی وجہ سے تاخیر اور منسوخی کا سامنا ہے۔ قومی ائیر لائن کو اپنے مسافروں کے زحمت اٹھانے کا بھرپور احساس ہے۔
صورتحال بہتر ہونے پر فضائی آپریشن کا فی الفور آغاز کر دیا جائے گا، قومی ائیر لائن کی انتظامیہ کا کہنا تھا کہ متاثرہ پروازوں کے مسافروں سے التماس ہے کہ وہ اپنی پرواز کی معلومات کے لیے پی آئی اے کی کال سینٹر 786 786 111 سے رابطے میں رہیں۔
