بانی پی ٹی آئی نے سعودی عرب سے متعلق بیان پر میری سرزنش کی، شیر افضل مروت

Shair Afzal Marwat

پاکستان تحریکِ انصاف کے رہنما شیر افضل مروت نے کہا ہے کہ بانی پی ٹی آئی نے سعودی عرب سے متعلق بیان پر میری سرزنش کی ہے۔

اڈیالہ جیل کے باہر میڈیا سے گفتگو کے دوران کہا ہے کہ لطیف کھوسہ نے پی اے سی کے لیے حامد خان کا نام لیا تھا، حامد خان تو سینیٹر ہیں، وہ چیئرمین پی اے سی نہیں بن سکتے۔

شیر افضل مروت نے کہا ہے کہ پی ٹی آئی میں کوئی فارورڈ بلاک نہیں، بانیٔ پی ٹی آئی نے ببانگ دہل کہا کہ کوئی ڈیل نہیں، کوئی مفاہمت نہیں۔

پی ٹی آئی شیر افضل مروت کیخلاف کارروائی سے گریزاں کیوں؟

انہوں نے اڈیالہ جیل کے باہر میڈیا سے گفتگو کے دوران مزید بتایا کہ بانیٔ پی ٹی آئی نے کہا ہے کہ قوم کے لیے ضروری ہے اپنی اڑان بھرے۔

شیر افضل مروت کا کہنا ہے کہ پہلے 8 فروری اور پھر 21 اپریل کو ہمارے مینڈیٹ پر شب خون مارا گیا۔


متعلقہ خبریں