ڈالر کی تنزلی جاری ، روپے کی قدر مزید مستحکم ہو گئی ، دوسری جانب اسٹاک مارکیٹ میں کاروبار کا منفی آغاز ہوا تاہم دن کے اختتام پر مارکیٹ میں تیزی دیکھی گئی۔
کاروباری ہفتے کے پہلے روز انٹر بینک میں امریکی کرنسی کی قیمت مزید 16 پیسے گر گئی جس کے بعد ڈالر 277 روپے 78 پیسے کا ہو گیا۔
گزشتہ کاروباری ہفتے کے آخری دن انٹر بینک میں ڈالر 277 روپے 94 پیسے کا تھا۔
ملک کے زرمبادلہ کے ذخائر میں سالانہ بنیادوں پر 4 ارب ڈالر کا اضافہ
دوسری جانب اسٹاک مارکیٹ میں کاروبار کے آغاز پر پاکستان اسٹاک ایکسچینج کا 100 انڈیکس 96 پوائنٹس کمی سے 70 ہزار218 کی سطح پر آ گیا تاہم کاروبار کے اختتام پر انڈیکس میں 229 پوائنٹس کا اضا فہ ہوا جس کے بعد انڈیکس 70 ہزار 400 سو سے اوپر کی سطح پر بند ہوا۔
واضح رہے کہ 9 اپریل کو اسٹاک مارکیٹ تاریخ کی بلند ترین سطح پر بند ہوئی تھی۔
