متنازع یوٹیوبرعادل راجہ برطانوی عدالت میں ہتک عزت کیس میں اپیلیں ہارگئے،عدالت نے 10ہزار پاؤنڈ جرمانہ عائد کر دیا۔
میجر ریٹائرڈ عادل راجا اپنے خلاف بریگیڈیئر (ر) راشد کی جانب سے برطانوی عدالت میں دائرکردہ ہتک عزت کا مقدمہ خارج کروانے میں ناکام رہے۔ برطانوی عدالت نے عادل راجہ کو حکم دیا کہ وہ بریگیڈیئر (ریٹائرڈ) راشد کو 2 درخواستوں، ہتک عزت کیس پر حکم امتناع اور سیکیورٹی اخراجات کی مد میں 10 ہزار پاؤنڈز ادا کریں گے۔
سونا مزید مہنگا ، قیمت تاریخ کی بلند ترین سطح پر پہنچ گئی
متنازع یو ٹیوبر عادل راجہ کو برطانوی ہائی کورٹ میں اس وقت شدید دھچکا لگا جب جج نےعادل راجہ کے تمام الزامات کو بے بنیاد اور غلط قرار دیتے ہوئے تمام درخواستوں کو ردی کی ٹوکری میں پھینک دیا۔
جج مسٹر رچرڈ اسپیرمین نے قرار دیا ہے کہ عادل راجہ ، بریگیڈئیر(ر)راشد کو 5 ہزار پاؤنڈ کی ادائیگی کریں گے اور ان کے پاس رقم کی ادائیگی کیلئے 17 اپریل 2024 تک کا وقت ہے ۔
پنجاب بھر میں روٹی کی قیمت 16 روپے مقرر
عادل راجہ اپنے وکیل اور پی ٹی آئی یوکے کے رہنما مہتاب انور کے توسط سے ویڈیو لنک کےذریعےعدالت میں پیش ہوئے تھے۔ دستاویزات کے مطابق بریگیڈیئر (ر) راشد نے 11 اگست 2022 کو اپنا کیس برطانیہ میں دائر کیا تھا۔
خیال رہے کہ معروف یوٹیوبر عادل راجہ اپریل 2022 سے برطانیہ میں مقیم ہیں۔
