جمعتہ الوداع پر مسجد اقصیٰ میں روح پرور اجتماع ہوا، ایک لاکھ سے زائد فلسطینیوں نے نماز جمعہ ادا کی۔
اسرائیل نے ماہ رمضان میں مسلمانوں پر مسجد اقصیٰ میں داخلے پر پابندی عائد کی تھی لیکن اس کے باوجود بڑی تعداد میں فلسطینی عوام ماہ رمضان میں نماز کے لیے مسجد میں داخل ہونے میں کامیاب رہے۔
مسجد اقصیٰ پر اسرائیلی آباد کاروں کا دھاوا، 6 فلسطینی شہید، 11 زخمی
محکمہ اسلامی اوقاف کے مطابق جمعۃ الوداع کے موقع پر تقریباً ایک لاکھ 20 ہزار سے زائد فلسطینیوں نے مسجد میں نماز جمعہ ادا کی۔
رپورٹس کے مطابق اسرائیلی پولیس نے اس سے قبل فجر کی نماز کے دوران 8 افراد کو گرفتار کیا اور آنسو گیس کی شیلنگ بھی کی۔
