ترجمان پاکستان تحریک انصاف رؤف حسن نے کہا ہے کہ مجھے نہیں لگتا کہ یہ حکومت پانچ سال مکمل کر سکے گی۔
ہم نیوز کے پروگرام ”پاکستان ٹونائٹ ود سید ثمر عباس ” میں گفتگو کرتے ہوئے رؤف حسن نے کہا کہ شیر افضل مروت کو شوکاز نوٹس جاری کر کے وضاحت مانگی گئی ہے ،بیرسٹر گوہر کا دور بہت اچھا تھا ، انہوں نے بہت حوصلے کے ساتھ پارٹی کو لیڈ کیا ہے۔
ملک کے 14ویں صدر کے انتخاب کی تاریخ کا اعلان ہو گیا
انہوں نے کہا کہ اگر بیرسٹر گوہر دوبارہ آتے ہیں تو اسی جذبے اور لگن سے کام کریں گے ، بیرسٹر علی ظفر کی اپنی مجبوری ہے ، وہ بھی چیئرمین شپ کیلئے بہترین امیدوار تھے۔
ہمیں امید ہے کہ عدالتوں سے ہمیں ریلیف ملے گا، آئی ایم ایف کو ابھی تک خط نہیں لکھا گیا، اور جو خط لکھا جانا ہے اس کا کنٹینٹ بھی سامنے نہیں آیا ۔ ہم جب خط لکھیں گے تو وہ سب کے سامنے آ جائے گا۔
پاکستان مسلم لیگ ن قومی اسمبلی کی بڑی جماعت بن گئی
رہنما تحریک انصاف کا کہنا تھا کہ ہم اسمبلیوں کے اندر رہ کر اپنا کردار ادا کریں گے، لیگل آپشن کو استعمال کریں گے تاکہ ہمیں ریلیف ملے۔ ہم پر امن احتجاج کے آپشن کو بھی اوپن رکھیں گے، اسمبلی میں بھر پور اپوزیشن کا کردار ادا کریں گے۔
انکا مزید کہنا تھا کہ حکومت کو غلط پالیسیوں پر یاددہانی کرواتے رہیں گے ، مجھے نہیں لگتا کہ یہ حکومت پانچ سال مکمل کر سکے گی۔
