سابق کمشنر راولپنڈی لیاقت علی چٹھہ کے الزامات کی تحقیقات کیلئے الیکشن کمیشن کی انکوائری کمیٹی کا پہلا اجلاس آج ہو گا۔
اجلاس کی سربراہی سینئر ممبر الیکشن کمیشن نثار درانی کریں گے، تحقیقاتی کمیٹی ٹی او آرز طے کرے گی۔ کمیٹی راولپنڈی کے ڈی آر اوز اور متعلقہ آر اوز کے اس سلسلہ میں بیانات قلمبند کر کے 3 دن میں اپنی رپورٹ الیکشن کمیشن کو پیش کرے گی۔
70، 70 ہزار کی لیڈ کو شکست میں تبدیل کیا، کمشنر راولپنڈی انتخابی بے ضابطگی پر مستعفی
کمیٹی کی رپورٹ آنے کے بعد کمشنر راولپنڈی کے خلاف توہین الیکشن کمیشن کی کارروائی اور قانونی چارہ جوئی کے بارے میں فیصلہ کیا جائے گا۔
واضح رہے کہ لیاقت علی چٹھہ نے گزشتہ روز انتخابی نتائج تبدیل کرنے کا اعتراف کرتے ہوئے اپنے عہدے سے استعفیٰ دیا تھا۔
