جنوبی امریکی ملک چلی میں خوفناک آتشزدگی پر تین روز بعد قابو نہ پایا جا سکا ، آتشزدگی کے نتیجے میں ہلاک افراد کی تعداد 112 ہو گئی۔چلی کی حکومت نے دو روزہ سوگ کا اعلان کر دیا ہے۔
خبر ایجنسی کے مطابق حکام کا کہنا ہے کہ چلی کےجنگلات کی آگ سے اموات میں اضافےکا خدشہ ہے، آگ سے متاثرہ ملک کے وسطی،جنوبی حصوں میں ہنگامی حالت نافذ ہے، چلی میں 92 مقامات پر لگی آگ کے باعث14 ہزار مکانات کو نقصان پہنچ چکا ہے۔ جبکہ 10 لاکھ افراد بے گھر ہو گئے ہیں۔
شارجہ ، پاکستانی خاندان کے گھر میں آگ لگنے سے 2افراد جاں بحق
غیر ملکی میڈیا کے مطابق ہیلی کاپٹروں کی مدد سے آگ پر قابوپانے کی کوششیں جاری ہیں۔ چلی کے صدر گیبریل بورک نے ٹی وی پر خطاب کے دوران بتایا کہ موجودہ حالات بہت المناک ہیں اور ہلاکتوں میں مزید اضافے کا خدشہ ہے۔
چلی کے مختلف مقامات میں درجہ حرارت 40 ڈگری سینٹی گریڈ تک پہنچنے کے باعث جنگلات میں آگ لگی ، سلسلے میں اب تک ایک شخص کو حراست میں لیا گیا ہے۔ اس شخص پر الزام ہے کہ وہ ویلڈنگ کا کام کر رہا تھا جس دوران حادثاتی طور پر آگ پھیل کر قریبی گھاس کے میدان تک پہنچ گئی۔
