سوڈان اور جنوبی سوڈان کے متنازع علاقے میں قبائل کے درمیان شدید لڑائی ، 54 افراد ہلاک ، 64 زخمی

سوڈان لڑائی

سوڈان اور جنوبی سوڈان کے درمیان متنازع علاقے میں حریف قبائل کے درمیان شدید لڑائی کے نتیجے میں  54  افراد ہلاک اور 64  زخمی ہو گئے۔

اقوام متحدہ کے مطابق امن مشن کے 4 اہلکار زخمی بھی ہوئے ہیں۔ امن مشن کے اہلکار ابیی کے علاقے میں امدادی سرگرمیوں کے دوران فائرنگ کی زد میں آئے۔

دوسری جانب آئی ایس پی آر کے مطابق  حملےکے وقت پاکستانی امن دستے کا قافلہ 2 مریضوں کو اسپتال لے جا رہا تھا، پاکستانی امن دستوں نے  مؤثر جواب دیا اورعسکریت پسندوں کو پسپا کر دیا۔

سوڈان سے انخلاء، بھتیجی کی چچا سے جدہ میں ملاقات، جذباتی مناظر

آئی ایس پی آر کے مطابق فائرنگ کے تبادلے میں امن دستے میں سپاہی محمد طارق نے جام شہادت نوش کیا۔

واضح رہے کہ ابیی 2011 میں جنوبی سوڈان کی آزادی کے بعد سے متنازع سرحدی علاقہ ہے۔

 

 


متعلقہ خبریں