تحریک انصاف نے بلے کے انتخابی نشان کے حصول کیلئے سپریم کورٹ سے رجوع کر لیا۔
پشاور ہائی کورٹ کے فیصلے کے خلاف دائر درخواست میں مؤقف اپنایا گیا ہے کہ الیکشن کمیشن کی درخواست قابل سماعت ہی نہیں تھی، الیکشن کمیشن اس معاملے میں فریق نہیں بن سکتا۔
درخواست میں کہا گیا ہے جکہ دیگر سیاسی جماعتوں کے برعکس پی ٹی آئی کے خلاف امتیازی سلوک کیا جا رہا ہے، الیکشن کمیشن نے بلے کا انتخابی نشان واپس لیتے وقت شواہد کو مدنظر نہیں رکھا۔
الیکشن کمیشن کی درخواست منظور، پی ٹی آئی سے بلا پھر چھن گیا
درخواست میں کہا گیا ہے کہ بغیر شواہد فیصلہ کر کے بلے کا انتخابی نشان چھینا گیا، پشاور ہائیکورٹ نے بھی فیصلے میں حقائق کو مدنظر نہیں رکھا، پشاور ہائیکورٹ کے فیصلے میں قانونی تقاضے پورے نہیں کیے گئے۔
پی ٹی آئی نے موقف اپنایا کہ پشاور ہائیکورٹ کے جج نے قانون کی غلط تشریح کی ، ہائیکورٹ کا فیصلہ غیر قانونی ہے۔ کالعدم قرار دیا جائے۔
