پاکستان تحریک انصاف کے صدر اور سابق وزیراعلیٰ پنجاب پرویز الٰہی نے کہا ہے کہ چیئرمین پی ٹی آئی کیساتھ کھڑے ہیں اور کھڑے رہیں گے۔
کمرہ عدالت میں میڈیا سے گفتگو کرتے ہوئے انہوں نے کہا کہ چیئرمین پی ٹی آئی میرے ساتھ والے سیل میں ہیں۔ آئی ایم ایف اور یورپی یونین کے لوگ چیئرمین پی ٹی آئی سے ملاقات کرنے آتے ہیں۔
پرویز الٰہی کا کہنا تھا کہ الیکشن کی تاریخ سپریم کورٹ کے کہنے پر ملی ہے، اس الیکشن میں دھاندلی نہیں ہوگی۔ عام انتخابات میں پی ٹی آئی کو اتنے ووٹ پڑیں گے جس کی کوئی حد نہیں ہوگی۔
چودھری پرویز الہی اور مونس الہی کی فیملی کے تمام بینک اکائونٹس کو منجمد کردیا گیا
سابق وزیراعلیٰ پنجاب نے کہا کہ پاکستان مسلم لیگ ن کے پاس لاہور سمیت پورے پاکستان میں الیکشن کیلئے بندے نہیں ہیں۔ ہمارے اسٹیبلشمنٹ کے ساتھ ہمیشہ ہی اچھے تعلقات رہے ہیں۔
ایک سوال کے جواب میں انہوں نے کہا کہ خدا کی قسم مجھے آج تک کسی نے پریس کانفرنس کا نہیں کہا۔
