سابق فاسٹ بولر محمد آصف نے کپتان بابر اعظم کو تمام فارمیٹس میں کپتانی چھوڑنے کا مشورہ دیتے ہوئے عبداللہ شفیق کو کپتانی کے لیے بہترین انتخاب قرار دیا۔
کرکٹ پاکستان کے ساتھ خصوصی انٹرویو میں گفتگو کرتے ہوئےانہوں ے کہا کہ عبداللہ ایک اوپنر ہیں، انہوں نے شاندار عزم کا مظاہرہ کیا اور شاٹ سلیکشن پر مزید محنت سے وہ پاکستان کرکٹ میں طویل عرصے تک بطور کپتان بہت کامیاب ہو سکتے ہیں۔
علاوہ ازیں محمد آصف نے آسٹریلیا کے خلاف آئندہ ٹیسٹ سیریز کے لیے سرفراز احمد کو کپتان بنانے کے خیال کی مخالفت کرتے ہوئے کہا کہ ریورس گیئرز کا سہارا لینے کی ضرورت نہیں ہے اور پاکستان کو اگلے دس سال کے لیے منصوبہ بندی کرنی چاہیے۔
ان کے مطابق عبداللہ شفیق واحد نوجوان کھلاڑی ہیں جو مستقبل میں کامیاب کپتان بننے کی صلاحیت رکھتے ہیں۔
