ورلڈ کپ میں مسلسل ناکامیوں کے بعد قومی ٹیم کے کپتان بابراعظم کی قیادت، بلےبازی اور فیصلوں پر سوالات اُٹھنے لگے ہیں، میگا ایونٹ کے ابتدائی 4 میچز بابراعظم کیلئے اچھا ثابت نہیں ہوئے۔
قومی ٹیم کے کپتان ٹورنامنٹ میں چار میچز کے دوران محض 83 رنز بنا سکے ہیں جس میں روایتی حریف بھارت کیخلاف 50 جبکہ آسٹریلیا کے خلاف 18، سری لنکا 10 اور نیدرلینڈز جیسی کمزور ٹیم کیخلاف 5 رنز بنا کر آئوٹ ہوئے۔
جو ٹریننگ سیشن میں کرتے ہیں وہی میچ میں کریں، آپ پر سو فیصد یقین ہے، بابر اعظم
بابر اعظم ورلڈکپ میں بطور نمبر ون بیٹر شریک ہوئے تھے تاہم انکی ناقص بیٹنگ کارکردگی سے انکی ون ڈے کرکٹ کی پوزیشن بھی خطرے میں پڑ گئی ہے۔
ورلڈکپ میں کپتانوں کی بدترین بیٹنگ اوسط بابراعظم 20.75 کے ساتھ دوسرے نمبر پر موجود ہیں، پہلے نمبر پر بنگلادیش کے شکیب الحسن 18.33 جبکہ جنوبی افریقا کے ٹمبا بوؤما 19.66 اور آسٹریلیا کے پیٹ کمنز 21.50 کے ساتھ موجود ہیں۔