کراچی: شہر قائد کے علاقے ضلع ملیر میں 3.1 شدت کے زلزلے کے جھٹکے محسوس کیے گئے۔
ضلع ملیر کے علاقے قائد آباد، لانڈھی، مسلم آباد، بھینس کالونی، بن قاسم، گلشن حدید، مجید کالونی، مظفرآباد، شاہ لطیف ٹاؤن میں زلزلے کے جھٹکے محسوس کیے گئے۔ زلزلے کے باعث لوگ کلمہ طیبہ کا ورد کرتے ہوئے گھروں سے باہر نکل آئے۔
یہ بھی پڑھیں: کراچی میں دھماکہ، خاتون جاں بحق، 11 افراد زخمی
زلزلہ پیما مرکز کے مطابق ریکٹر اسکیل پر زلزلے کی شدت 3.1 تھی اور گہرائی 15 کلو میٹر ریکارڈ کی گئی۔ زلزلے کا مرکز قائد آباد کے قریب تھا۔
خوش قسمتی سے زلزلے کے نتیجے میں کوئی جانی یا مالی نقصان نہیں ہوا۔
