پاکستان مسلم لیگ ن کی چیف آرگنائزرمریم نواز نے کہا کہ یہاں ایک لیڈر پر مشکل آئی نہیں اور جماعت ٹکڑے ٹکڑے ہو گئی۔
لاہور شاہدرہ میں مسلم لیگ ن کے ورکرز کنونشن سے خطاب کے دوران مریم نواز نے کہاکہ جتنے لوگ یہاں موجود ہیں، اتنے گھروں کی چھتوں پر ہیں، شاہدرہ کا نواز شریف سے لازوال محبت کا رشتہ ہے۔
شاہدرہ نے اپنا راستہ نہیں بدلا، شاہدرہ نے نواز شریف کا ساتھ نہیں چھوڑا۔
نواز شریف کی پاکستان روانگی سے قبل عمرے پر جانےکا امکان
انہوں نے کہا کہ یہاں ایک لیڈر پر مشکل آئی نہیں اور جماعت ٹکڑے ٹکڑے ہو گئی، تمام ورکرز کو سلام جنہوں نے اپنے لیڈر کا ساتھ نہیں چھوڑا۔
ہر مشکل وقت میں بھی شاہدرہ سے شیر کی ہی آواز آئی ، نواز شریف کی آمد آمد ہے، ایک بار پھر رنگ سجنے والے ہیں، 21اکتوبر کو کون آ رہا ہے؟۔
ن لیگ کی چیف آرگنائزرکا کہناتھاکہ21اکتوبر کو نواز شریف سے ملنے کہاں جانا ہے؟ 4سال بعد شاہدرہ اور نواز شریف کی ملاقات مینار پاکستان پر ہو گی۔
21اکتوبر کو ایک شخص نہیں، پاکستان کی خوشحالی واپس آ رہی ہے، 21اکتوبر کو مہنگائی ،لوڈشیڈنگ اور دہشتگردی کاخاتمہ کرنے والے نواز شریف واپس آرہے ہیں ۔
بحرانوں کا حل صرف نواز شریف ہیں، مریم نواز
خطاب کے دوران مریم نواز نے کہا کہ نواز شریف کےدور میں بجلی کے بل بھی لوگ دیتے تھے اور گھر بھی چلتا تھا، جب سے نواز شریف کو نکالا گیا ہمارے گھروں سے روشنی بھی نکل گئی،سکون بھی چلا گیا، آج نواز شریف سے سب کچھ چھیننے والے کہاں ہیں؟۔
آج سب چھیننے والےعبرت کا نشان بنے ہوئے ہیں، نواز شریف کو عبرت کا نشان بنانا چاہا مگر اس کا استقبال پورا پاکستان کر رہا ہے، ن لیگ کے قائد کو ختم کرنے کی یہ پہلی کوشش نہیں تھی۔
نواز شریف کی وطن واپسی، آبائی حلقے کی عوام کا ملا جلا ردعمل
مریم نواز کا مزید کہنا تھا کہ ہر بار نواز شریف پہلے سے زیادہ مضبوط ہو کر واپس آ رہے ہیں،جس جس نے سابق وزیراعظم کو نکالا وہ آج تاریخ کے کوڑے دان میں پڑے ہیں۔
نواز شریف نے آسمان کی طرف دیکھ کر کہا تھا کہ اپنا معاملہ اللہ پر چھوڑتا ہوں۔
انکا مزید کہنا تھا کہ جس نے کہا نواز شریف کی سیاست ختم ہو گئی وہ آج گھر میں بیٹھ کر دیکھ رہا ہے نواز شریف واپس آ ر ہے ہیں ، آج ہر طرف سے آواز آ رہی ہے ایک وارفیر شیر۔
