سندھ میں اسمگلرز اور ذخیرہ اندوزوں کے خلاف کریک ڈاؤن جاری ہے، سندھ میں سیکیورٹی فورسز کی جانب سے اسمگلنگ اور ذخیرہ اندوزی کرنے والوں کے خلاف آپریشنز کا سلسلہ کامیابی سے جاری ہے۔
مختلف آپریشنز میں متعدد اسمگلرز اور ذخیرہ اندوزوں کو گرفتار کرلیا گیا ہے، تمام مجرمان کے خلاف سخت قانونی کارروائی کا عمل جاری ہے۔
آپریشنز کے دوران ذخیرہ اندوزوں اور اسمگلرز سے برآمد شدہ سامان کو بھی قبضے میں لے لیا گیا ہے، سکھر، خیرپور، گھوٹکی اور قمبر شہداد کوٹ سے برآمد شدہ سامان میں 331700 گندم کی بوریاں بھی شامل ہیں۔
سندھ رینجرز کی چینی ذخیرہ اندوزوں کیخلاف کارروائیاں، ایک لاکھ 40 ہزار بیگ برآمد
خیر پور اور نواب شاہ سے چینی کی 10900 بوریاں برآمد کی گئیں، خیرپور، سنگھار اور گھوٹکی سے 5750 یوریا کی بوریاں بھی ملیں، قمبرشہداد کوٹ سے 1000 کھاد کی بوریاں اور خیرپور سے 83200 لیٹر خورنی تیل بھی برآمد ہوا۔
ملک کو معاشی بحران سے نکالنے کے لیے سیکیورٹی فورسز کا ذخیرہ اندوزوں اور اسمگلرز کے خلاف آپریشنز اور قانونی کاروائیوں کا سلسلہ آئندہ بھی جاری رہے گا۔
