پشاور(وقاص بونیری) خیبرپختونخوا کو دہشتگری کیخلاف جنگ کی مد میں ملنے والے فنڈز اور ان کے اخراجات کی تفصیلات سامنے آ گئیں۔
دستاویزات کے مطابق خیبرپختونخوا کو 2010 سے لے کر اب تک 415 ارب 50 کروڑ روپے کے فنڈز ملے جو دہشتگردی سے متاثرہ علاقوں میں شدہ سڑکوں، پلوں، اسکولوں اور پولیس اسٹیشنز کی تعمیر نو پرخرچ کیے گئے۔ 90 ارب 80 کروڑ نان سیلری بجٹ اور 15 ارب 92 کروڑ روپے جانی نقصانات کے ازالے کی مد میں دیے گئے۔
خیبرپختونخوا حکومت کے ترقیاتی فنڈز کی تقسیم کا طریقہ کار کالعدم قرار
دستاویز میں بتایا گیا ہےکہ ایک ارب 70 کروڑ روپے انسداد دہشتگردی کی عدالتوں اور 17 ارب 20 کروڑ روپے سکیورٹی الاؤنسز اور 33 ارب 88 کروڑ روپے سکیورٹی کے منصوبوں پر خرچ ہوئے۔
دستاویز میں مزید بتایا گیا ہےکہ خیبرپختونخوا کو دہشتگردی کےخلاف جنگ کی مد میں سالانہ قابل تقسیم محاصل کا ایک فیصد ملتا ہے۔
واضح رہے کہ سابق وزیراعظم شہباز شریف نے 415 ارب روپے کے فنڈز کا اسپیشل آڈٹ کرانےکا حکم دیا تھا جس کیلئے محکمہ خزانہ خیبرپختونخوا نے فنڈز کا آڈٹ کرانےکیلئے وفاقی حکومت کو خط لکھا تھا۔
