سیکرٹری خوراک پنجاب اور فلور ملز مالکان میں تنازعہ، آٹے کی قیمت میں بڑا اضافہ

ملک

سیکرٹری خوراک پنجاب اور فلور ملز مالکان میں تنازعہ شدت اختیار کر گیا ہے۔

کریانہ مرچنٹ ایسوسی ایشن کے مطابق آٹے کے تھیلے کی قیمت میں آج 50 روپے اضافہ ہو گیا ہے،قیمت 2ہزار850ہوگئی۔

چیئرمین فلور ملز ایسوسی ایشن عاصم رضا کا کہنا ہے کہ آٹے کی قیمت بڑھنے کا ذمہ دار محکمہ خوراک ہے، سیکرٹری خوراک نے 200من سے زائد گندم کی اسٹوریج پر پابندی لگا دی ہے۔

چینی کے پچاس کلو تھیلے کی قیمت میں 100 روپے اضافہ ہو گیا

عاصم رضا کا کہنا تھا کہ اوپن مارکیٹ میں 40 کلو گرام گندم کی قیمت 4 ہزار 725 روپے ہوگئی ہے، اگر یہی صورتحال برقرار رہی تو گندم کی قلت اور آٹا مزید مہنگا ہونے کا اندیشہ ہے۔

ان کا کہنا تھا کہ کوئی بھی شخص200 من سے زیادہ گندم ذخیرہ نہیں کرسکتا، سیکرٹری خوراک زمان وٹو کا کہنا تھا کہ آٹے کی قیمت بڑھنے کا کو ئی جواز نہیں ہے، گندم ذخیرہ کرنے والوں کے خلاف کارروائی کر رہے ہیں۔


متعلقہ خبریں