ڈالر کی قدر میں اوپن مارکیٹ میں مسلسل دوسرے دن بڑی کمی ہو گئی ہے، دوران کاروبار ڈالر کی قدر میں پانچ روپے کمی ہوئی ہے۔
کرنسی ڈیلرز کے مطابق روپے کی قدر میں مزید بہتری آئی ہے، اوپن مارکیٹ میں ڈالر کی قیمت فروخت پانچ روپے کمی سے 295 روپے ہو گئی ہے جبکہ ڈالر کی قیمت خرید 292 روپے ہے۔
اوپن مارکیٹ میں ڈالر 295 سے بھی نیچے چلا جائے گا، ملک بوستان
انٹر بینک میں دوران کاروبار ڈالر کی قدر میں 97 پیسے کمی ہوئی ہے جس کے بعد انٹر بینک میں ڈالر 287 روپے کا ہو گیا ہے۔
گزشتہ روز بھی اوپن مارکیٹ میں ڈالر کی قدر میں پانچ روپے کمی ہوئی تھی آج بھی پانچ روپے کمی ہونے سے دو دن میں ڈالر کی قدر 10 روپے گر گئی ہے۔
