پاکستان کرکٹ ٹیم کے سابق کرکٹر شعیب ملک نے بابراعظم کو پاکستانی ٹیم کی کپتانی چھوڑنے کا مشورہ دے دیاہے۔
شعیب ملک نے کہا کہ بابر اعظم کو قومی ٹیم کی قیادت چھوڑ دینی چاہیے، بابر اعظم بیٹنگ اور کپتانی میں بہتری کے عمل سے گزر رہے ہیں۔
بابر اعظم اور شاداب خان نے اہم سنگ میل عبور کرلیا
شعیب ملک کا کہنا تھا کہ ہمارے کلچر میں فوری نتائج حاصل کرنے کی توقع ہوتی ہے، بابر اعظم کو گائیڈکرنے والوں کو مشورہ ہے بابر سے کپتانی چھڑوا دیں۔
سابق کپتان کا کہنا تھا کہ بابر کی کپتانی اور بیٹنگ اہلیت دو علیحدہ باتیں ہیں، انہیں قیادت کرنے کی بجائے اپنی بیٹنگ پر توجہ دینی چاہیے۔
یہ باتیں شعیب ملک نے نجی ٹی وی کے پروگرام اسکور کے دوران کیں۔
