لاہور: چیئرمین پاکستان تحریک انصاف (پی ٹی آئی) عمران خان کے گھر پر نیا بلٹ پروف گیٹ پہنچا دیا گیا۔
چیئرمین پی ٹی آئی عمران خان کے گھر زمان پارک پہنچائے گئے نئے گیٹ کی قیمت 12 سے 15 لاکھ روپے کے قریب ہے۔ جس کی لمبائی 16 فٹ اور چوڑائی 10 فٹ ہے جبکہ موٹائی 1.5 انچ ہے۔
گیٹ پر بلٹ پروف شیٹ، اسٹیل اور لوہے کا استعمال کیا گیا ہے اور کہا جا رہا ہے کہ یہ گیٹ پی ٹی آئی رہنما میاں اسلم اقبال کی جانب سے بھجوایا گیا ہے۔
یہ بھی پڑھیں: آٹے کی بڑی اسمگلنگ کی کوشش ناکام
ذرائع کے مطابق سیکیورٹی خدشات اور ممکنہ آپریشن کے باعث زمان پارک کی سیکیورٹی کو مزید بہتر بنانے کے لیے اقدامات کیے جا رہے ہیں۔
واضح رہے کہ عمران خان کی رہائش گاہ کا پہلا گیٹ پولیس آپریشن کے دوران کرین کے ذریعے توڑ دیا گیا تھا۔
