لاہور: پولیس زمان پارک میں عمران خان کے گھر داخل ہو گئی ہے۔
زمان پار ک کے اطراف انٹر نیٹ سروس بھی معطل کر دی گئی ہے، فرخ حبیب نے الزام لگاتے ہوئے کہا کہ پولیس نے عمران خان کی رہائش گاہ پر دھاوا بول دیا ہے۔
بشریٰ بی بی گھرمیں اکیلی ہیں،چادر اور چار دیواری کا تقدس پامال کیا جارہا ہے،لاہور ہائیکورٹ کے حکمنامہ کی بھی خلاف ورزی کی جارہی ہے۔
عمران خان نے اپنے ٹوئٹ میں کہا کہ میرے وہاں سے جانے کے بعد پنجاب پولیس نے زمان پارک میرے گھر پر حملہ کیا۔
جہاں پر بشریٰ بیگم اکیلی ہیں، یہ کس قانون کے تحت کر رہے ہیں۔
عمران خان کا کہنا تھا کہ یہ لندن پلان کا حصہ ہے، جہاں ایک ملاقات میں مفرور نواز شریف کو اقتدار میں لانے کے وعدے کئے گئے تھے۔
